CLICK HERE FOR BLOGGER TEMPLATES AND MYSPACE LAYOUTS »

الاثنين، 2 مارس 2009

و سقط القناع


أحيانا تجبرنا المواقف على نسج بعض السطور و نثرها كي نخفف عما بداخلنا من حسرة و ألم .
....................................
.....................................
مواقف كتلك التي ينكشف فيها القناع و تظهر الحقيقة المرة و تكتشف أنك كنت بطلا في مسرحية الخداع .
...................................
كثيرة هي الأشياء التي تبدو جميلة في أعيننا في بادئ الأمر و لكن سرعان ما تظهر على حقيقتها عندما نزيح الغبار من عليها .
...................................
عندما تعيش معهم وتأنس بأنسهم وتفرح لفرحهم
وتحزن لحزنهم و فجاة تكتشف أنهم لم يكونوا إلا ممثلين متقنين لعملهم .
....................................
كم هو مؤلم أن تنظر إلي من كنت تعرفه فتجد نفسك لا تعرفه .

38 التعليقات:

قلب ينبض لله يقول...

كم هو مؤلم أن تنظر إلي من كنت تعرفه فتجد نفسك لا تعرفه .

كلامك جابك من الآخر
والبوست بجد مالوش حل رغم قصره الا أنه قال كتيير

تقبلي مروري:)

موناليزا يقول...

والاصعب ان ترفض التصديق

بوست واقعى جدا

*الطالبة عفو الله *زوزو يقول...

قلب ينبض بالله

فعلا البوست حامل الكثير في قصره لكن الفكرة وصلت

مش لازم نفكر ان الموضوع ملوش حل لا و الله ليه حل لو كل واحد صحح نفسه و قلع الاقناع الي عليه

اتوقع وقتها مش حتكون في اقنعة و مش حيطرح المشكل دة

ربنا يهدينا

بوركتي حبيبتي على تعليقك

في امان الله

*الطالبة عفو الله *زوزو يقول...

موناليزا

صدقت حبيبتي كم يكون الموقف قاسي لدرجة انك تتمنين لو تكون في حلم مزعج و تستيقضين على واقع خالي من الاقنعة

لكن للاسف هذا هو واقعنا المأساوي

الله المستعان

ربنا يبارك فيك حبيبتي

في امان الله

Sweet Violet يقول...

نسينا او تناسينا أنه من عاش بوجهين مات لا وجه له و أن المنافقين أعدت لهم نار جهنم خالدين فيها

بس على فكرة اكتر حد بيضر هو صاحب القناع نفسه لان لما القناع بيزول بيبقى وحيد .. الجروح اللى بسيبها فى اللى قدامه بتتداوى بمرور الزمن

لكن اثار القناع بتاعه على نفسه مش بتتداوى ابدا .. لو كل واحد فكر كده بجد عمر ماحد هيلبس اى قناع

تحياتى (:

*الطالبة عفو الله *زوزو يقول...

Sweet Violet

صدقتي حبيبتي للاسف لو كان كل واحد يعرف نهاية القناع الي هو لابسه حتكون ايه لما اتجرئ احد و لبس قناع

لكن زي ما قلتي حاجات كتير مش بننيساها قد ما بنتنساها و منها نهاية النفاق و الخداع

و فعلا لو فكرنا بجد في مين لي حيضرر اكثر من الموضوع حنلاقي صاحب القناع لما بنكشف على حقيقته حيخسر الكثير الكثير

ربنا يبارك فيك حبيبتي

و تسلمين على تعليقك الجميل

دمتي في حفظ الله

غير معرف يقول...

ازيك يازوزو عرفت حضرتك من عند نور شاهين بحس انك انتى وهى شخص واحد من اسلوب الكلام المتتطابق وعارفه انك انتى وهى اصحاب يارب يدوم هذة الصداقة البوست رائع جداوبسيط وبيوصف حاجة موجودة عند كتير من الناس القناع القناع يازوزوبس المهم التاكد ان الشخص دة اللى كنتى تعرفيه ان كان لابس قناع علشان ميتظلمش ... دمتى بخير انتى او نوررررررررر شاهين..

*الطالبة عفو الله *زوزو يقول...

غير معروف


منوره المدونة و يا ريت كنتي تعرفي عن نفسك

فعلا انا و نور صحاب اوي و الحمد لله و مرسي ليها ان كانت سبب خلتك تدخلي عندي المدونة و مرسي ليكي على طلتك الجميلة دي

و الله يا اختي احيانا كتيرة بنحاول نغض النطر عن القناع دة و نقول لا ومش عارفة ايه عشان الحقيقة بتكون مرة و بتخلينا منصدقش بس لازم لازم نصحى من نمنا و نعرف الواقع الي نصه اقنعة للاسف

و نسال الله ان يرينا الحق حقا و يرزقنا اتباعه و يرينا الباطل باطلا و يرزقنا اجتنابه

و بارك الله فيك حبيبتي

و سررت بتواجدك

و اتمنى ان لا تكون دي اخر زيارة ليكي عندي

دمتي في حفظ الله

”*°•.˜”*°•..سونه..•°*”˜.•°*”˜ يقول...

السلام عليكم .
انتى فين ياجميل وحشانى
ينفع يعنى معرفش اخبارك غير من هنا
ده كلام برضك
البوست اكيد روعه وكلام فعلا بنشوفه فى اليوم الواحد اكتر من مره
ربنا يهدى الجميع يارب ونعيش فى جو كلوووووو
صدق وحقيقه وبساطه وبدون كناع يارب
مش تغيبى تانى كتيررررر كده هااااا
تحياتى (كوكى ) سونه .

حياتنا الزوجية...(عضو رابطة هويتي إسلامية) يقول...

السلام عليكم ورحمة الله وبركاته

حقيقة ما تقولين

النفاق يضعف النفس أكثر من العدو الظاهر

وان تؤتي من الظهر أصعب من أن تؤتي من الأمام

وأنا تسقطك النملة أصعب علي النفس من أن يقتنصك أسد

نعم الفهم فهمك ونعم الكلمات كلماتك بوركت في فهمك وكلماتك

أخوكي


أبو فاطمة

نـــــور يقول...

اه عندك حق اوى
والموضوع مؤلم اوى اوى

لانك ساعتها بتزعلى على قلبك وعلىالحب اللى شلتيه للناس فى قلبك وبتزعلى على حاجه كنتى فاكراها فى ايدك وضاعت منك

الثقه بتتهز وبتحسى ان الدنيا بتتزلزل تحت رجليكى

ربنا مش يكتب على قلبك الم يارب يارب
واتمنى بجد اشوفك قريب لانى عارفه انى مقصره فيكى بس انا لما بكون موجوده انتى مش بتظهرى خالص :(

سلام ياجميله واشوفك بخير

MISS\GH يقول...

يااااااااااااه يالها من كلمات فى منتهى الروعه والجمال
صدقينى بجد الكلمات دى بتهز القلوب وبالزات الناس الى جربوا الاحساس ده حقيقى صعب اوى انك تدى قلبك لانسان لابس قناع وفجاه يسقط القناع وتعرف الصدمه اللى عمرك ما كنت تتوقعها
فاجعه تهز الكيان وتسبب الاكتئاب وعقد ما ليس لها حدود

مشكوره عزيزتى على كلماتك الروعه
ودمتى بخير

*الطالبة عفو الله *زوزو يقول...

”*°•.˜”*°•..سونه..•°*”˜.•°*”˜

و عليكم السلام و رحمة الله و بركاته

كوكي حبيبتي وحشاااااني جدا

معلش يا حبيبتي غيابي مبيكنش بارادتي

و ان شاء الله متواصلين

و مرسي على تعلقيك

دمتي في حفظ الله

*الطالبة عفو الله *زوزو يقول...

حياتنا الزوجية...(عضو رابطة هويتي إسلامية)

و عليكم السلام و رحمة الله و بركاته

جزاك الله اخي ابو فاطمة على تعليقك

و معك حق في ما أضفته في تعليقك

بوركت اخي الفاضل

في امان الله

*الطالبة عفو الله *زوزو يقول...

Habiba

هو فعلا الموضوع قاسي و لي يقدر قسوته هو لي عاشه

بتحسي وقتها الدنيا كلها خداع في خداع و بتفقدي الثقة في اقرب الناس ليك

ربنا يحفظنا من كل سوء

و الله يا بنتي انا الايام دي موجودة و انتي مختفية مش عارفة ازاي ممكن نلاقي بعض جننتيني يا بنتي

الله المستعان

خير ان شاء الله

دمتي في حفظ الله

*الطالبة عفو الله *زوزو يقول...

MISS\GH

فعلا حبيبتي ردت الفعل بنكون مش سهلة خالص

الموضوع بيخليكي تفقدي الثقة في كل الناس و ممكن حتى في نفسك

ربنا يبعد عنا اصحاب الاقنعة يا رب

بوركتي حبيبتي على تعليقك

دمتي في حفظ الله

أكون أو لا أكون يقول...

كلمات من الواقع جداااااً...
أقنعه تتلون حسب ألوان محيطها... كالحرباء... لكنها سرعان ما تنكشف... لتسقط الأقنعه من عيوننا ... ويسقط أصحابها من قلوبنا أيضاً...

تسلمي حبيبتي...
أراك قريباً...

wafaa يقول...

السلام عليكم
والله يا صاحبتى عندك .انا لسه بعانى من عدم ثقة فى اى حد بسبب قناع سقط من شهور بس الى عرفته وبحاول اصدقه ان مش كل الدنيا كدب ، ما انا مش بكدب ولا لابسة قناع يبقى اكيد فى حد تانى فى الدنيا مش بيكدب وعايش بحقيقته

(صندوق الدنيا) يقول...

أتعلمين حبيبتي في الله
الأكثر ألما أن نكون نحن من يرتدي هذا القناع

arsenalwy يقول...

تعرفه اه عاشرته لأ يبقى متعرفوش

لازم ناكل ونشرب وننام مع الانسان علشان نعرف حقيقته وممكن بعد كل ده برده يبقى ممثل محترف ومنعرفش حقيقته

ghorBty يقول...

السام عليكم

صدقتي وصدقت الكلمات

كم هو مؤلم أن تنظر إلي من كنت تعرفه فتجد نفسك لا تعرفه .

وهذا اشدددد اشدددد انواع الألم

لذلك عملت بالمقوله
أحبب حبيبك هونا ما عسى أن يكون بغيضك يوما ما ، وأبغض بغيضك هونا ما عسى أن يكون حبيبك يوما ما }

حتي اريح نفسي

فالقلوب والنفوس تتغيير وتتحول ونسال الله السلامه

غربتي

صمت الحنين يقول...

كم هو مؤلم أن تنظر إلي من كنت تعرفه فتجد نفسك لا تعرفه .
احساس مؤلم فعلا

لا تركنن الى ذى منظر حسن......فكم من حسناء قد خاب مخبرها

ماكل اصفر ذهب لصفرته.......صفر العقارب ارداها وانكرها


شكرا اختى الطالبه عفو الله على البوست الذى يحمل بين سطوره الكثير والكثير من المعانى

أمل حمدي يقول...

عندما تعيش معهم وتأنس بأنسهم وتفرح لفرحهم
وتحزن لحزنهم و فجاة تكتشف أنهم لم يكونوا إلا ممثلين متقنين لعملهم

المهم انهم بيصدقوا نفسهم ولايعترفون بخطئهم

حسبنا الله ونعم الوكيل في كل من شابهم

تدوينة صادقة

دمت بكل الخير

مـجـنـووون يقول...

أختي الكريمة

اسف علي تأخري في زيارة حضرتك

وعلي فكرة وقت الشدة هو إلي بيبين الكويس من الوحش

وعلشان كده سيدنا عمر ابن الخطاب

لما سال واحد علي شخص تاني قاله دا كويس

فسيدنا عمر قاله

هل سافرت معه قال لا
هل تعاملت معه بالدينا والدرهم قال لا

رد عليه سيدنا عمر وقاله إذا فأنت لا تعرفه

يعني الأزمات بتبين معدن الناس

وبعدين متزعليش لو لقيتي اشخاص بالشكل ده وأحمدي ربنا أنه عرفك حققتهم في الوقت المناسب

تقبلي مروري
مجنووون

*الطالبة عفو الله *زوزو يقول...

أكون أو لا أكون

سبحان الله الذي يظهر الحق و يزهق الباطل مهما طال الخداع و النفاق تنكشف الحقيقة يوما و كما قلتي حبيبتي لا يسقط القناع فقط بل يسقطون اصحابه من قلوبنا

تسلمين يا غالية

و خلينا نشوفك قريب تراكي طولتي الغيبة

*الطالبة عفو الله *زوزو يقول...

wafaa

و عليكم السلام و رحمة الله و بركاته

للاسف يا حبيبتي انك لما بتتصدمي في حد كان موضع ثقة بالنسبة ليك كردت فعلا بتفقدي الثقة في كل لي حواليك
لان الصدمة ما بتكنش هينة
بس برضو نرجع و نقول لسة في خير و لسة في ناس طيبة
بس لازم منكنش على نياتنا اوي
و بارك الله فيك غاليتي

*الطالبة عفو الله *زوزو يقول...

(أم البنين)

ياااااااااااه

متتصوريش قد ايه استوقفني تعليقك
حاجات كتيرة بننتبه عليها في غيرنا بس منفكرش ندور في نفسنا اذا هي فينا
بس افتكر اذا الواحد كام لابس قناع مش حيأثر فيه اوي اذا سقط قدامه قناع غيره
ربنا يبعد عنا كل قناع و نفاق
ربنا يبارك فيك حبيبتي
نورتي المدونة

*الطالبة عفو الله *زوزو يقول...

arsenalwy

و الله عشان نقول على حد انحنا نعرفه كويس اشوفها حاجة صعبة اوي
ففي كل انسان تعرفه انسان لا تعرفه
و زي ما ذكرت انك ممكن تعاشره و تكون قريب منه و برضو متعرفوش على حقيقته
الله المستعان
نسال الله ان يرينا الباطل باطلا و يرزقنا اجتنابه
دمت في حفظ الله اخي
نورت المدونة

*الطالبة عفو الله *زوزو يقول...

ghorBty

و عليكم السلام و رحمة الله و بركاته

احب جدا المقولة الي ذكرتيها حبيبتي و هي عبارة أثر { أحبب حبيبك هونا ما عسى أن يكون بغيضك يوما ما ، وأبغض بغيضك هونا ما عسى أن يكون حبيبك يوما ما }
بي للاسف دئما بقول لازم اعمل بيها بس مبعرفش لما بحب بحب من كل قلبي و بكل صدق

ربنا يبارك فيك حبيبتي

نسال الله السلامة و العافية

دمتي في حفظ الله

*الطالبة عفو الله *زوزو يقول...

صمت الحنين

منورة المدونة اختي لطلتك

ااشكرك على الاظافة الجميلة

و ربنا يبعد عنا كل شر

دمتي في حفظ الله

*الطالبة عفو الله *زوزو يقول...

ماما أمولة

فعلا مش حنقول غير حسبنا و الله و نعم الوكيل فيهم
وربنا سبحانه بيفظحهم في الدنيا قبل الاخرة
احيانا ناس بتتقن تمتيلها لحد ما تكاد تصدق الدور الذي تمثله
سبحان الله
نسال الله السلامة

منورة المدونة اختي

*الطالبة عفو الله *زوزو يقول...

مجنووون

لا داعي للاسف اخي فلكل واحد اعذاره في الغياب

معك حق اخي فعلا الوقت الي بتبان فيه الحقيقة هو وقت الشدة و زي ما قالوا الصديق وقت الضيق
و عشان كدة بيكون الالم اكبر و مضاعف لانك اصلا تكون في فترة عصيبة و بتتصدم في حد كان يعتبر قريب ليك
و فعلا قد ما زعلت على اقنعة سقطت قدام عيني قد ما فرحت اننا عرفت الحقيقة
الحمد لله

دمت في حفظ الله

zainab يقول...

عزيزتى الطالبه عفو الله

(الأشياء التي تبدو جميلة في أعيننا في بادئ الأمر و لكن سرعان ما تظهر على حقيقتها عندما نزيح الغبار من عليها عندما تعيش معهم وتأنس بأنسهم وتفرح لفرحهم
وتحزن لحزنهم و فجاة تكتشف أنهم لم يكونوا إلا ممثلين متقنين لعملهم كم هو مؤلم أن تنظر إلي من كنت تعرفه فتجد نفسك لا تعرفه .)

بجد أبدعتى عزيزتى فى الوصف لمشاعر مرت علينا و حسينا بيها شئ صعب قوى فعلا

تحياتى

"أم أدهم المصرية" يقول...

السلام عليكم ورحمه الله وبركاته

حبيبتى بوست رائع
وكلمات واقعيه اكثر من الواقع

اكيد طبعا لازم نتصدم كده وكتيربس ادينا بنتعلم
مفيش حاجه بتيجى بالساهل

وحشتينى ياقلبى

------------------------------

*الطالبة عفو الله *زوزو يقول...

zainab

نورتي المدونة حبيبتي

فعلا مواقف تكون جد صعبة الله المستعان

نسال الله السلامة و العافية

بوركتي حبيبتي

*الطالبة عفو الله *زوزو يقول...

لؤلؤةالرحمن .....هويتى اسلاميه

و عليكم السلام و رحمة الله و بركاته

تسلمين حبيبتي على تعليقك

و فعلا مواقف صعبة اوي و الاصعب اننا منقدرش نستوعبها و نعديها

ربنا يبارك فيك غاليتي

و على فكرة وحشااااني اوي ابقي طمنيني عنك يا جميل

Sweet Violet يقول...

قمرايه انا جايه اطمن عليك

لعل المانع خير فى غيابك الفتره اللى فاتت

طمنينى عليك

*الطالبة عفو الله *زوزو يقول...

Sweet Violet

يا حبيبتي ربنا يخليكي ليا يا قمر انتي

و الله يا قلبي انا غيابي لسة مستمر لاسباب عدة

لعدم توفر النت في البيت

و دخولي بيكون يا اما من المكتبة و التي لا تتوفؤ على كيبورد عربي مبعجز عن اي تعليق و بكتفي بالقراءة و احيانا بجيب المودم من ........

و لسبب تاني اني معنديش وقت بصحى متاخر و بالمساء عندي معهد

و السبب التالت ساعلن عنه في المدونة عندي عما قريب فتابعيني

و بجد اسعدني اوي تعلق خاض منك لسؤالك عليا

ربنا يحفظك حبيبتي

تسلميلي