CLICK HERE FOR BLOGGER TEMPLATES AND MYSPACE LAYOUTS »

الاثنين، 12 أبريل 2010

نفسي أرجع لحاجات كثير


نفسي أرجع للورى ،نفسي أرجع لطفولتي للعبي ، أرجع ألعب قدام باب بيتنا ،اعلب مع صحابي و نجري و نضحك ...


نفسي أرجع للابتدائي لصحاب الطفولة لأيام البراءة ،أيام كنت فيها قطة مغمضة و شايفة كل حاجة قدامي حلوة و جميلة


نفسي أروح بيت جدتي و هي بنفسها لي تفتحلي و تخدني في حضنها و في الليل تجمعنا انا و اولاد عمامي و عماتي و تحكلنا حكاية قبل النوم و احنا نضحححك ...نفسي أحس بوجودها بحبها بحنانها محتجالها أوي


نفسي أرجع لجمعية الرسالة الجمعية الي تعلمت منها الكثير ولي ليها الفضل بعد ربنا في حاجات كثير نفسي ترجع زي ما كانت زمان و أرجع أنشط فيها نفسي أحضر مخيماتها ...


نفسي أرجع بلدي ،وطني ، مدينتي ، جيراني ...رجع لصحابي و لذكرياتي


نفسي أرجع للحي الجامعي (بيت الطلبة) المكان لي عشت فيه أجمل أيام عمري ،نفسي أرجعله أرجع لخولة و الهام و أسماء ..أرجع لغرفتنا بمقالبنا لذكرياتنا


نفسي أرجع لتوأمة روحي محتاجة حنانها ،محتاجة ايديها تطبطب عليا و تمسح دمعي ،محتاجة حبها و اهتمامها


نفسي أرجع عزوبيتي ،أرجع لشقاوتي و جناني


نفسي أرجع لفرحتي و بسمتي محتاجة حد يمسح دمعتي .

18 التعليقات:

Kiara يقول...

دوري علي حاجات تحسسك بزكريات الماضي مع بريق الحاضر

اوعي تزعلي يازوزو ربنا معاكى ياحبي

موناليزا يقول...

مالك يا زوزو
فيكِ إيه ياحبيبتى
ربنا يريح بالك ويسعدك دايما

Maha Shahen يقول...

اتريق ولا بلاش
مقدرش اتكلم جد فى الاول صعب
بصى انتى عايزه ترجعى بسيطه اطلقى يقوم اهلك يزعلو منك يقومو مرجعينك للمغرب واى خدمه
يا قلبي الجميل فى الذكريات انها راحت , عارفه لو هترجع بنفس اللحظات الجميله كنت قولتلتك اتمنى من هنا لبكره اننا نعود ليها , بس للاسف مهما رجعنا لنفس الاماكن ونفس الاشخاص مش بيفضلو زى ما هما
يبقى احنا نعيش علي اجمل اللحظات اللي قضيناها ونفرح بيها دايما كل ما نفتكرها تدينا امل لنعيش ونكمل ونحتفظ بكم اكبر من الذكريات الجميله اللي هتمر بينا
جايه اكيد لحظات اجمل من اللي فاتت
فاكره قبل الحى الجامعى كنتى قلقانه ازاى وفاكره فرحتى ازاى بمعرفت ناس جديده , لسه بكره فى خير كتير تفاءلى حبيبتى
ومتزعليش علي فراق حبيب ربنا هيعوضك عنه خير ويرزقك بحبايب وهيفضل جواكى ذكرى للى فارق وذكرى اجمل للى موجودين حواليكى
ربنا يسعدك ويفرج كربك يا رب
ولا اشوفك متضايقه ابدا
وابتسمى علشان اجمل ما فيكى ابتسامتك
اه هى اجمل ما فيكى فى حاجات تانيه بس دى اجملها

خواطر شابة يقول...

في حاضرك اكيد اشياء كثيرة تسعدك كفي عن الالتفات للماضي وعيشي حاضرك ابحثي عن مواطن السعادة فيه وتمسكي بها
الله يهديك لما فيه خيرك واستعيذي بالله من الشيطان الرجيم
تهلاي فراسك بزاف

غير معرف يقول...

ماأجمل ان يتذكر الانسان ماضيه لكن الماضي لايمكن استرجاعه
وسبحان الله العمر بيجري بسرعه كبيرة جداوالمهم ان الواحد يجعل كل احظة في عمرة طاعه لله
والواحد لايحزن علي الذكريات الماضيه فالحزن لا يرجع ما ماضي

rovy يقول...

أوعى تخلى حنينك للأمس يسرق منك اليوم ..
أرجوكى حبيبتى عبشى يومك وحبيه و خليكى فاكره دايما أن زى ما بنبكى النهارده على امبارح بكره برضه حنشتاق للنهارده ..
ربنا ييسر لك الأحوال يارب و يرزقك كل السعاده ..

تحياتى

الراوى يقول...

سلام عليكم
اول زيارة

طوبه فضه وطوبه دهب يقول...

كلنا محتاجين نرجع حاجات مهمه فى حياتنا بس على راى الست عايزنا نرجع ذى زمان قول للزمان ارجع يا زمان ولا الزمان بيرجع ولا ذكرياتنا بتتكرر تسلم ايدك رغم انك وجعتى قلبى

salma mohamed يقول...

صحيح الماضي في حاجات حلوه كتير بنتمنى رجوعها النهارده،
بس لو فضلنا قيد ذكريات الماضي هنضيع الحاضر والمستقبل،
وهنلون كل لون ممكن يبقى زاهي في حياتنا بألوان العتمة والظلام،
زوزو العزيزة أزال الله همك وفرج كربك وإياي.

*الطالبة عفو الله *زوزو يقول...

كيارا

ازيك يا كيارا ان شاء الله تكوني كويسة وحشاني

ربنا يبارك فيك يا قمر

*الطالبة عفو الله *زوزو يقول...

موناليزا

مفيش يا قلبي بس بيجي ع الواحد لحظة بيحن اوي للماضي

ربنا يخليك يا حبيبتي

تحياتي

*الطالبة عفو الله *زوزو يقول...

nour shahen

مش فاهماك بتتريقي و لا بتعاكسي و لا ايه بالضبط

المهم يا ستي اتريقي اتريقي و اه و اطلق و يرجعوني للمغرب و اعيش حياتي بقى تصدقي ان الحل دة مخطرش على بالي مش عارفة ازاي فكرتي فيه انتي عبقرية بجد

هههههههههههه

ما علينا معك حق في الحتة الجدية في الموضوع هو ديما مبنحسش بجمال الشيء الا بعد فقدانه يعني اللحظات لنا بحنلها دي اكيد لما كنت فيها مكنتش حاسة اوي بيها سبحان الله هي الدنيا كدة و اكيد بكرة ححن للنهاردة لانا برضو مش حاسة بيه

عالم غريب بجد

المهم يا قلبي وجودك معايا في الماضي و الحاضر و المستقبل بيسعدني و بيلونلي حياتي يا حياتي

على فكرة وحشاني

اما ع الابتسامة فبلاش معاكسة اصلي متجوزة ههههههههههه

بيني و بينك كنت فاكرة ان ابتسامتي جميلة فعلا بس لما شفت ابتسامتك مبقتش حاجة قدامك

جوتامووو يا قمرتي

*الطالبة عفو الله *زوزو يقول...

خواطر شابة

جمييييلة جدا العبارة لي كتبتي حبيبتي

البحث عن مواطن السعادة في الحاضر امر مهم لكن ليس من السهل القيام به

الهاضرا ساااهلة بقات في التطبيق

اوا الله يسعدنا اجمعين اختي

ربي يخليك حتى نتي تهالي ف راسك

*الطالبة عفو الله *زوزو يقول...

ismael khalil

معك حق اخي شعور جميل ان يتذكر الانسان ذكرياته الجميلة لكن الاجمل ان يجعل له في كل لحظة ذكريات جميلة

ربنا يهدينا ويثبتنا على طاعته

بارك الله فيك اخي

*الطالبة عفو الله *زوزو يقول...

rovy

معك حق حبيبتي زي ما بنحن النهاردة لمبارح حيجي بكرة و نحن للنهاردة مهي الدنيا كدة

الله المستعان

ربنا يسعد ايامك يا قمر

تحياتي

*الطالبة عفو الله *زوزو يقول...

الراوي

و عليكم السلام و رحمة الله و بركاته

منورة باول زيارة و يا رب ما تكون الاخيرة

اهلا و سهلا بك دائما

تحياتي

*الطالبة عفو الله *زوزو يقول...

طوبه فضه وطوبه دهب

اسفة يا جميل اننا وجعت قلبك

هي الدنيا كدة محيرانا معايا

يلا نقول الحمد لله

تحياتي

*الطالبة عفو الله *زوزو يقول...

salma mohamed

صدقتي حبيبتي في كل الكلام لي قلتيه

جميل نتذكر ذكريات الماضي لكن الاجمل ان نجعل ذكريات اجمل في الحاضر

تسلم ايدك يا غالية

ربنا يسعد ايامك

تحياتي