عالم ثاني خالص

من زمااان اوي في مرة كنت بتكلم مع بنت خالتي و دخلنا في نقاش حاد و كانت قلتلي على فكرة يا زينب انتي عايشة في عالم تاني خالص انتي عايشة في عالم خيالي غير وقعي خالص.

مش فاكرة كان النقاش عن ايه بالضبط بس فاكرة انها كانت حكتلي على موقف حصل و كنت استنكرت و علقت عليه بقولي هو في ناس كدة فهي كانت شايفة انه لي حصل عادي اوي و انا شوفت حاجة مش عادية خالص مش فاكرة الموقف كان ايه .

المهم وقتها انا ماشغلتش بالي اوي بكلامها رغم انه شدني الاختلاف اوي لي حصل انها شايفة الموقف عادي خالص و انا شيفاه مش عادي خالص بس عديت الموضوع و كانه مفيش حاجة

بس كانت بتمر عليا مواقف تخليني افتكر كلامها مواقف عادية بالنسبلهم بس مش عادية خالص بالنسبالي زي المواقف لي بتكون نهاية لمسرحية كنت بطلها مواقف تخليك فعلا تحس انك غريب عن العالم دة

و زي الموقف لي اتكلمت عنه في مدونتي يوميات بتاع الولد لي عمل نفسه بنت و قعد يمثل دور البنت بكل اتقان

مواقف زي لي سمعت عنها من ايام عن انتشار الشعوذة و السحر بشكل كبير و انا و لا على بالي

فكل مرة كنت اهتز و ازعل اوي و اقول ليه كدة ليه في ناس بالشكل دة و يمر و يجي موقف اسوء ملي قبله و اعيد نفس السؤال

لحد ما فاض بيا خلاص و ايقنت فعلا اننا في عالم تاني خالص و اتاكدت من كلام بنت خالتي و عرفت هي قالت الكلام لي قلته ليه لان انا فعلا على نياتي و مكنتش فاكرة ان الشر توسع اوي للدرجة دي و بقى الطيب غبي و الناكر ذكي

ويقيني من ان عالمي غير عالمهم لا يعني اني انزل لعالمهم الواطي العكر الوسخ بالكذب و الخداع و النفاق و و و

بس لقيت نفسي لازم اتعرف على العالم دة كويس اوي عشان اعرف اخذ بالي منه كويس لان فعلا بقى عالم ربنا لي عالم بيه

بس انا حفضل عايشة في عالم ثاني خالص حتى لو ممكن اعيش لوحدي عالم نقي طاهر لونه ابيض صافي و لي عايز يعيش معايا لازم يكون من اهل العالم دة .