CLICK HERE FOR BLOGGER TEMPLATES AND MYSPACE LAYOUTS »

الجمعة، 29 أبريل 2011

معاناتي مع ذبابة


هي فكرة حلوة ومجنونة اننا اكتب بوست عن معاناتي مع ذبابة بس مكنش حيجي على بالي اننا اطبق الفكرة دي لو مكنتش جات من الاخت الفهيمة صاحبة الافكار المنيرة الانسة نور شاهين

المهم القصة و ما فيها اننا كنت قاعدة برغي مع حضرتها لحد ما نطت ذبابة على شاشة الكمبيوتر انا مش عارفة جات منين بس احتمال وارد انها تكون جاية من حضرتها ههههههههههههه متزعليش يا نونة اقصد من النت يعني
المهم انا كنت طافية النور فبعد ما ظهرت المخلوقة الجديدة الي هي الذبابة قمت ولعت النور و اعلنت الحرب بقى منا لازم انام و ساعة بقت 1 و طبعا لازم اقتل الذبابة عشان اعرف انام
شكل الذبابة حست بنيتي في الانتقام فاختفت دورت هنا و هناك مفيش
اعمل ايه........ اعمل ايه؟؟؟؟؟؟؟
طبعا بما اني مقدرش اعيش من غير نصايح حبيبة قلبي نور سمعت لكلامها و لي كان اننا اقوم و اطفي نور الجهاز و اطفي نور الغرفة و اولع نور الصالون عشان حضرت الذبابة تطلع بس بصراحة سمعت للكلام دة بس من غير منطبقو اصل كتير اوي علي اننا اعمل كل الخطوات دي
انا حنام و خلاص بس اخاف الذبابة تجي في منطقة غلط تحط بقى على عيني و لا على بقي اعمل ايه وقتها اقول يا ريت سمعت كلام نور
انا فعلا حيرانة و تعبت من التفكير
انا حقوم انام واسلم امري لربنا
و املي في انها تطلع ذبابة محترمة و تلم نفسها و تخرج من اي مخرج
و لا تنام و من غير شخير
و اقولكم تصبحو على خير

الخميس، 28 أبريل 2011

هكذا هي الحياة..شروق و غروب


هي الشمس..॥تشرق صبيحة كل يوم معلنة بدايته ببزوغ فجرجديد في صورة فنية بديعة الجمال
اشرقت الشمس و حل النهار و بدا اليوم ... احداث...افراح ... احزان...ولحظات تحفر في الذاكرة
و يمر اليوم بكل ما فيه مع اول لحظة غروب
و في لحظة الغروب تختفي الشمس في لوحة حزينة حيث تمتزج مع ماء البحر لترحل تاركة بعدها الظلام
ظلام حالك و سواد داكن ॥ هدوء و سكون يخفيان افراح و احزان اليوم
هكذا هي الحياة تشرق لنا لكن سرعان ما ترحل بغروبها.