CLICK HERE FOR BLOGGER TEMPLATES AND MYSPACE LAYOUTS »

الأربعاء، 20 أغسطس 2008

اه يانا من التاجات

وصلوني تاجين الاول من حبيبة قلبي zozo و الثاني من الجميلة original heart انا حبيت اجاوب عليهم بسرعة عشان الحق احط بوست على رمضان
يلا نبدا باسم الله
من انت؟
انا انسانة مسلمة بسيطة تسعى لامتلاك السعادة في القرب من الله
بطاقتك الشخصية ؟
الاسم : زينب
الجنسية: مغربية
مكان الاقامة : اسبانيا
الحالة الاجتماعية : عازبة
الوظيفة : طالبة
ايه كمان عاوزين تعرفوا سامعة حد بيقول سنك لا يا عم انسى مش حقول ماما وصتني مقلش سني للغرباء ههههههههههههههههه
ما هي احلامك ؟
كثيرة اوي بس حقول الرئيسية احلم يحل السلام في العالم و نعيش في سعادة و امان
احلم اني احقق شيء بهذه الدنيا افتخر بيه يوم القيامة
احلم اني افضل دائما مع الناس الطيبين الناس الي بيحبوني بصدق
من اقرب شخص اليك ؟
و الله مش عاوزة احدد شخص واحد عشان مضلمش حد كل الي بحبه و يحبني حب حقيقي يبقى شخص مقرب ليا
ايه معنى السعادة من وجهة نظرك ؟ حاسس انك سعيد ؟
السعادة شيء جميل طبعا و السعادة في نظري تكمل في انك تشعر برضى الله عليك و دة بيكون بامور عدة لما بتحس بحلاوة الايمان فعلا يااااااااه بيبقى شعور رااائع
احيانا بحس اني سعيدة لما بتقرب لربنا و بيكون ايماني قوي و حاسة برضى الله عليا
بس للاسف الحالة ما بتستمرش الله المستعان ادعولي ربنا يهديني و يثبتني
امتى حسيت انك ضلمت انسان و ليه ؟ و محتاج للحظة غفران منه
مفتكرش اني ظلمت حد عن قصد بس ممكن احس اني ظلمت حد لما حد بحبه اوي يطلب مني خدمة و معرفش اخدمه و دة مابيكونش بايدي بيكون غصب عني بس بحس اني ظلمته و بطلب منه يسامحني
بتعمل ايه لما تكون مضايق بعد ما تصلي ؟
ببكي من كل قلبي و اطلع كل لي جوايا في الدموع
امتى حسيت انك اظلمت ؟
لما حد يسيء الظن فيا بحس فعلا بقمة الظلم
ايه اكثر احساس بيراودك هذه الايام اتجاه نفسك و اتجاه الاخرين
اتجاه نفسي : بتقصير كبير في ديني و بضعف ايمان و كسل و خمول الله المستعان
اتجاه الاخرين : بحب في الله
امتى ممكن تتنازل عن حق من حقوقك و السبب ؟
ممكن اتنازل عن حق من حقوقي في سبيل حد بحبه اوي و فعلا يستحق اني اضحي بحقي علشانه
و اخيرا خلصت من التاج الاول اااااااااه يانا
نمر للتاج التاني
بداتي التدوين من امتى و دخلتي العالم دة ازاي ؟
استني اشوف تاريخ اول بوست اصل بعيد عنكم الزهيمر عامل عميله اليومين دول
اهو يا ستي بدات في 15يونيو2008 جديدة يعني
ازاي دخلت العالم دة الي فاكراه اني من زمان تقريبا من رمضان الي فات كنت قاعدة بكلم حبيبة قلبي نور و مش عارفة ازاي ادتني رابط مدونة اتوقع اسمها مدونة مصوراتي المهم فعجبتني المدونة و عجبتني فكرة التدوين اوي وقتها بدات التدوين بس مش في مدونة الكترونية يعني الى حين جاء الوقت و بالصدفة لقيت كيف تنشئ مدونة و تبعت الخطوات الي حين وجدت نفسي صاحبة مدونة
كان انطباعك ايه في البداية ؟
كنت فرحانة و مبسوطة اوي و حاسة اننا عملت حاجة عظيمة و انجاز ضخم هههههههههههههه
مين اكثر حد بتهتمي بتعليقه على بوستك الجديد ؟
كل الي بيرد بهتم بتعليقه
ايه اهم حاجة اتعلمتيها من عالم التدوين ؟
حاجات كثيرة منها اننا ادي قيمة للعمل الي بعمله و الخواطر الي بكتبها و دة من ردودكم طبعا
عرفني التدوين على ناس و اكسبني معارف و صداقات
كمان من خلاله عرفت طريقة تفكير الناس و ايه الي شغلهم
.....
ايه اكثر حاجة كرهتها ؟
اتوقع المقصود حاجة في التدوين
موصلتش للكره
بس مش بيعجبني الي بيرد على البوست عندك بهدف انك تدخول عنده
و احيانا بلاحظ من الرد انه ما قراش الموضوع اساسا عمل تعليق بس عشان يوصلك انه نزل بوست جديد عنده تعال شوفه و علق
حاسس انه التدوين ليه تاثير ؟
اكيد طبعا
و الحمد لله حمدا كثيرا طيبا
و محدش بقى عندو حاجة عندي
و دمتم سالمين

32 التعليقات:

واحــد ميــت يقول...

اول تعليق
ماشاء الله المدونة شكلها جميل ورائع وباذن الله مش هتكون الزيارة الاخيرة

ندخل على التاج
اهلا وسهلا بالمغرب وباهل المغرب كلهم
واحلامك يمكن هى حلم كل واحد مسلم
مدونتك لسه جديده بس جميلة فعلا

تقبلى تحياتى بكل ود
http://agml-qlb.blogspot.com/

zizi يقول...

اهلا بيك اخي منور المدونة و يا رب فعلا تكون اول زيارة مش الاخيرة
ربنا يبارك فيك يا اخي
دمت في حفظ الله

Habiba يقول...

السلام عليكم
سعيدة بانى تانى تعليق بالغاء ردك على واحد ميت طبعا ههههههههههه

تعرفى انا زيك فى حكايه انى بحس بالظلم لما حد بيسئ الظن بيا لانى وربنا يعلم انى مش بتعامل مع حد ابتغاء وجه ربنا

الحاجه التانيه ربنا يسعد قلبك يارب ويحققلك امانيكى
دمت بخير

zizi يقول...

حبوبة يا جميلة
منورة يا قلبي امين يا رب و يسعدك و يسعد جميع المسلمين
ربنا يبارك فيكي يا قمر
دمتي في حفظ الله

المدون / أحمد كجول يقول...

السلام عليكم
بعد التحية و السلام نفيدكم علما بأن مدونة
شباب الصحبة
بدأت المرحلة الاولي من العمل و نحن نقدم الان أجرأ و أكثر المقالات التي تتنوع ,, نرجو منكم المشاركة من جديد ابداء الرأي علي المواضيع وبدأ التعليق

دة أمل ليا و شرف ,, انا حكون سعيد لو تمنحهولي

مجهود أكثر من 5 شهور ينتظر أجابة فرد

و جزاكم الله خيرا علي كافة الاحوال
http://so7bah.blogspot.com/

nour shahen يقول...

هقول ايه ... عالم المدونين نور بيكى يا زوزو
وسمعنى احلى سلام وطرقعات بالمسدسات وانوار ليزر وفرح بقى زوزو هنا يا جماعه منوره عندنا
مكنش في شيء هيكون ليه طعم لو انتى مش جزء منه يا قلبي
اما بالنسبه للبوست بقى فهو كلام جميل مقدرش اقول شيء عنه
او استعير منك جملة عجز اللسان عن التعبير
ربنا يسعدك حياتى يا رب وافرح بيكى عن قريب يلا خلينا نخلص من حد من العوانس اقصد العرايس ههههههههه
أرق تحيه لحبيبة قلبى ديا

التائب الحائر يقول...

السلام عليكم ورحمه الله وبركاته
سيدتى
بجد حسيت من كلامك انك شخصيه رائعه ومحترمه
اتمنى لكِ كل الخير والسعاده فى الدنيا والاخره ومن الله اقر
والله الموفق
متنسيش رمضان يله باه نستعد له
رمضان كالسوق ربح فيه من ربح وخسر فيه من خسر اللهم اجعلنا من الرابحين

Zanooba (Zeinab sab9n) يقول...

أول زيارة ليه عندك و إنشاء الله متكنش الأخيرة و أنا كمان أسمي زينب بس من كتر الهبل و العبط بقيت زنوبة الله لا يوريكي ....بس بجد أنت مغربية و عايشة في فرنسا ؟ أصلك بتتكلمي زي المصريين :) عموما يا ميت مرحب بأهل المغرب كلهم ....أتمنى دوام التواصل

حـــــدوتـــــة يقول...

السلام عليكم

دى اول زيارة ليا وإنشاء الله مش الاخيرة
مدونتك جميلة واسلوبك هادى
اجاباتك صريحة وواضحة
بس كنت عايزك توصفيلى عايشة ازاى كفتاة مسلمة فى اسبانيا
ارجو التواصل دائما

سلالالالالالالالالالالالالالالالالالالالالالالالالالام

منى يقول...

لما حد يسيء الظن فيا بحس فعلا بقمة الظلم
الجمله دى حستها اوى يمكن كان المعنى جوايا من زمان لكن انتى حطتيه قدامى
ربنا يكرمك يا زيزى
انتى فعلا طيبه اوى
تحياتى

الملاك يقول...

السلام عليكم ورحمة الله وبركاته
ياااااااااااااااااااااااااااه
اد ايه انا فرحانه فيكى بجد ههههههههههههههه

ازيك يا زيزى عاملة ايه اتمنى من الله ان تكونى فى افضل حال
اختى وحبيبتى فى الله ادعو الله بان يجعلك من المقربين اليه دائما فى الدنيا والاخره وان يحقق لكى كل ما تتمنيه ويكتب لكى التوفيق الدائم

دمتى اختى برعاية الله وحفظه

zizi يقول...

عالم المدونين منور بيكي يا قلبي
اسمك على مسمى يا يا نور يالي منورة حياتي
ايه يا بنتي سمعني احلى كلام و مفرقعات عندنا فرح النهاردة و انا مش عارفة
ايه يا ختي بسمعك بتقولي فرخ عرسي لا يا قلبي انا محترم الدور لما يخلصو الي قبلي عشان يدوني الطريق و لا ايه يا جماعة
و بعدين الي سيمعك كدة بتتكلمي عن العوانس و انا مقلتش سني حيقولو عندي 50 سنة هههههههههههه و مين يزود
شكلي اتجننت في اول ايامي بس خلاص خلوني اعمل عقلي
ربنا يخليكي ليا يا قلبي و لا يحرمنيش منك
دمتي في حفظ الله

zizi يقول...

التائب الحائر

اهلا و سهلا بك يا اخي منورة
اللمهم اجعلنا خير مما يظنون و اغفر لنا مالا يعلمون
بارك الله فيك اخي الفاضل
كل سنة و حضرتك طيب و يا رب يدخل علينا رمضان دة بالخير و البركة
دمت في حفظ الله

zizi يقول...

Zanooba (Zeinab sab9n)

اهلا و سهلا بيكي يا اختي منورة المدونة كلها و يا رب فعلا تكون دي اول زيارة و مش الاخيرة
صدفة جميلة انه لينا نفس الاسم
انا يا اختي مغربية عايشة في اسبانيا و ليس فرنسا
من نحية اني بتكلم مصري اه فعلا انا بتكلم معاكم مصري عشان ممكن يكون المغربي صعب عليكم شويا لكن انشاء الله ححاول اعلمكم هههههههه لا متخفوش مش صعب اوي
ان شاء الله متواصلين يا جميل
و اهلا و سهلا بيكي مرة اخرى
في امان الله

zizi يقول...

حدوتة

اهلا بيك اخي منور المدونة
يا رب فهلا تكون الزيارة دي الاولى و مش الاخيرة
المدونة جميلة بردودك و تعليقاتكم
ربنا يكرمك يا رب
و الله عشان اوصفلك عايشة ازاي كفتاة مسلمة في اسبانيا لازم موضوع طويل عارض ان شاء الله افكر اكتب عنه بعض رمضان و ممكن في رمضان ادي صورة عن رمضان في اسبانيا ان شاء الله
متواصلين ان شاء الله
في حفظ الله

zizi يقول...

منى

حبيبتي ربنا يبارك فيكي يا جميلة انتي لي طيبة و بتشوف الناس بعين طيبة
اه فعلا شعور سيء اوي لما بتحس بسوء الظن الناس فيكي ربنا ينجينا منه
بارك الله فيكي يا غالية
دمتي في حفظ الرحمان

zizi يقول...

الملاك

و عليكم السلام و رحمة الله و بركاته

ازيك يا حبيبتي وحشاني
انا كويسة الحمد لله
ربنا يسعدك كمان و كمان يا حبيبتي
اللهم امين و اياكم

ربنا يبارك فيكي و يحفظك يا رب
في امان الله

وظائف أون لاين يقول...

عزيزى المدون .. عزيزتى المدونة


جائتنى فكرة عمل هذه المدونة عندما وجدت أن اغلب المدونين من الشباب واغلب المدونين اما طلبة بالجامعات أو منتظرين للوظيفة بعد التخرج وحتى المدون الذى وجد وظيفة فأنه يحصل على راتب بسيط


ولأننا كمدونين نجلس على النت بالساعات


فاننى فكرت وبحثت عن وسيلة أستطيع من خلالها زيادة دخلى وتوفير المال عن طريق النت وقلت لماذا لا نستفيد نحن معاشر المدونين من النت مادياً ومالياً


ومن هنا جائت فكرة هذه المدونة


فقمت بجمع بعض البرامج وبعض المواقع التى نستطيع من خلالها أن نتحصل على المال عن طريق العمل على النت ( بزنس أون لاين ) وعلى فكرة الموضوع بسيط ومجرب قبل ذلك وسهل ولكن يحتاج للصبر والأنتشار


والتفاصيل والشرح بالصور وكل المعلومات عن المشروع موجوده بالمدونة


يا رب الفكرة تعجبكم


ويا رب تشتغلوا وبلاش كسل وبلاش نقول مفيش شغل


الشغل موجود بس أون لاين

موناليزا يقول...

سبحان الله بجد عالم التدوين ده اروع مافيه انى اتعرف على ناس كتير من غير حتى مااعرف هما فين ولا منين واللى يجمعنا الحب فى الله
ادام الله حبنا فى الله ورزقنا جميعا الفردوس الاعلى

zizi يقول...

اهلا بيكي حبيبتي الموناليزا
اه و الله فعلا عالم التدوين عالم جميل فعلا
ربنا يديم علينا نعمة المحبة في الله يا رب
بارك الله فيكي حبيبتي
لكي مني احلى التحية
في امان الله

انسان بلا عنوان يقول...

السلام عليكم

اجاباتك من اجمل الاجابات اللى لقيتها فى الواجبات

وربنا يزيدك هدى ويثبتك

تحياتى

zizi يقول...

انسان بلا عنوان

اخي منور البوست
بارك الله فيك اخي ربنا يكرمك و يبارك فيك
امين و اياكم

دمت في حفظ الله

غير معرف يقول...

اولا كل سنه و انتي طيبه اختي الفاضله
ثانيا الف مبروك عالتاج
و انا معاكي فعلا اكتر حاجه تغيظ ان حد يدخل يعلق من دون ميكون قرا الموضوع اصلا حركات مفقوسه
ههههههههههههه
نورتي التدوين و نوريني بزيارتك الي كتير اسعدتني
دمتي بكل ود

zizi يقول...

اهلا و سهلا بيكي اختي عاشقة الجنة
منورة المدونة كلها و معطرة البوست بردك
بارك الله فيكي اخيتي
في امان الله

yoyo يقول...

اجابتك كلها تلقائية يا زيزي
ربنا يحقق كل احلامك يارب ان شاء الله

وبعدين التاجات دى بقيت علينا حق بقى ههههههههههههه
يالا عقبال التاج التانى
كل سنة وانت طيبة
رمضان كريم
ربنا يتمه علينا وعلى الامة الاسلامية بالف خير يارب
تحياتى
يويو

zizi يقول...

اهلا يا جمبل منور يا حبيبتي
اه بجد بقيت فعلا حق الله المستعان
و انتي طيبة يا قلبي و يا رب يدخل علينا رمضان دة بالخير و البركة و يكون مغفرة للذنوب
ربنا يكرمك يا حبيبتي
دمتي في حفظ الله

رفقة عمر يقول...

بجد سعيدة انى اتعرف على مدونه من بلد مسلم عربى غير مصر حاسيت كلامك كانك مصريه
انا كمان مش حبيت فى التدوين موضوع التعليق مجرد اثبات حضور حتى ولو قل عندى عدد المعلقين
احيانا مش بافهم موضوع البوست يبقى ازاى اعلق
واحيانا مش من اهتمامتى وكمان احيانا بارفض الاسلوب وطريقه الحوار
لكل الاسباب دى مش بقدر اعلق كتير
علشان مش احط كلام وخلاص
كل سنه وانت طيبه
سعدت بمعرفتى مدونتك

مـجـنـووون يقول...

ما أجمل أن يكون الإنسان قريب من الله ، وأن يكون تفكيره وحركته تقربا من الله

كل عام وأنتي إلي الله أقرب وعلي طاعته أدوم
تقبلي مروري
مجنووون

zizi يقول...

اهلا بيكي اختي رفقة نورتي المدونة يا جميل و يا رب اعرف امثل بلدي باحسن صورة
اه بالنسبة لكلامي بحب اللهجة المصرية اوي وعشان كدة بكتب بيها و عشان المغرب صعب عليكم ههههههه
اهلا و سهلا بيكي يا قمر و يا رب ما تكون هذه الزيارة الاخيرة
و يا رب ديما تنوري
دمتي في حفظ الله

zizi يقول...

مجنوووون
اهلا بيك اخي مجنون
الحمد لله يا رب و يا رب فعلا اكون دائما قريبة من الله سبحانه و تعالى
بارك الله فيك
و كل عام وحضرتك طيب و الى الله اقرب
في امان الله

eshraka يقول...

السلام عليكم
اهنئك حبيبتي زينب على مدونتك الرائعه
افكار مستنيره
وخفه ظلك المعهوده تزيده بهاء
بارك الله فييك
و وفقك لما يحبه و يرضاه
اختك المحبه
خوله

zOzO يقول...

حبيبتي
اسفه اني اتاخرت عليكي ع التاج
بس جهازي كان بايظ والله

انتي انسانه طيبه اوي
ع فكره انا اسمي زهره
انا زهره وانتي زينب
ههههههههههه

ربنا يوفقك يارب
وتحققي ع احلامك