دمروا بلدنا , قتلوا اولادنا . غرقونا فى دم , والله ما بأيدنا . قمنا هبينا للظلم صدينا . كتفوا ايدينا , وقالوا نحميكم بالعمر نفديكم . بقلوبنا مجتمعين علشان اه نرضيكم , مش محتاجين للقلب دول محتاجين لسلاح ويعيدوا امجادهم ويرجعوا اللي راح , سعدوهم صدقوهم , بالقوه اه مدوهم , وسعتها راح نشوف , هيحرروا بلادهم , وينجوا اولادهم , ويحققوا الاحلام , بدل ما كله كلام , سعدوهم بالحقيقه او حتى شوفوا طريقه وبطلوا الأوهام , لو باقى ليا كلام كنت كتبت كتير , بس الكلام أحلام بأيدينا حاجات كتير , نبص للى فى ايدنا ونقوم نحقق عيدنا .. لما السلاح يتكلم ,, ترجع لينا بلادنا.
( صبراً يا غزه .. اللهم أنصر أخواننا فى فلسطين )
ها هو عام مضى بكل ما فيه من ذكريات جميلة من اللحظات الحلوه و المره
2008 كنت و ستبقى عام مميز في ذاكرتى
لن أنسى أبدا كيف استقبلت أول يوم فيك
آه ليتك تستطيع ان تعيد لى و لو لحظات من ذاك اليوم
كنت حين ذاك في الحي الجامعي بتطوان المغرب بين حبيباتى خولة و إلهام و أسماء صديقاتي الغاليات
وتحت ظل أيامك عشت معهم أجمل اللحظات و أحلى الذكريات
لحظات لا تنسى من 2008
01ـ01 :طبعا زى ما ذكرت فوق اول يوم في السنة كان يوم جميل رغم اننا محتفلناش بيه و لا حسينا بيه بس كان بداية جميلة لسنة جديدة
20ـ01 : أول جواب من حبيبتي نور في 2008 و هو أول جواب مكتوب عليه التاريخ اصلها شاطرة و دايما مكنتش تكتب التاريخ
مقتطفات من الجواب
{معلش يا قلبي حفضحك حبتين بس متخفيش مش حقلهم انتي حقلهم دة بس تشابه أسماء}
متفكريش ترجعي الزمن لورا لأن فيه حاجات بتألم و مرت على خير بكرة حيجي الأحسن و الحمد لله على اليوم لأننا سوا في أجمل حاضر
{ياااه قد ايه كلامك حكيم يا قلبي }
أجمل كلمة بتكتبيها بقى أرميلك الجواب الكلمة صعبة قوي يا قلبي قولي أبعتلك الجواب
{ حاضر يا قلبي حقول أبعتلك الجواب بس مش قبل ما أشرحلك أرميلك دي جاية من ايه لما بنروح نبعث الجواب مش بنرميه في مكان بتاع الجوابات شوفتي بقى الكلمة ارميلك جاية من ايه }
في نهاية الخطاب أحب أقلك بحبك مووت يا أغلى أصحابي و أعز أحبابي يا أعذب كلمة نطقها لساني يا أطيب روح قلبتي كياني بس طبعا مش لدرجة ألعب في الكهربا هاهاها يا رخامة يلا اوعي ايدك عشان حقفل الجواب
{ واوعوا ايديكم كلكم عشان حقفل ذكره اليوم ده وزي ما وصيت نور متلعبش في الكهربا اوصيكم انتو كمان اوعوا تلعبو في الكهربا }
12ـ03 : يوم النجاح
كانت فرحة لا توصف قبل اليوم دة بيوم فرحنا بنجاح خولة و الهام و اليوم دة الصبح روحت الكلية و رجعت بخبر نجاحي و بعدها جات اسماء و معاها خبر نجاحها و تمت الفرحة بنجاحنا كلنا
17ـ06 :يوم لا أدري ما يمكنني أن أقول عنه ليته لم يكن ضمن الأيام ليته كان حلما لا أكثر
فيه سحبت شهادتي من الكلية و ليتني ما فعلت
خلاص حعدي اليوم دة عشان بجد مش عايزة افتكره
18ـ06 :يوم كان أكثر من رااائع بعدما خلصنا كل شيء ووضبنا الغرفة عزمنا صديقاتنا و عملنا سهرة كانت أجمل سهرة في 2008 و كان ختامها مسك لما قمنا كلنا و عنينا مغمضة من النعاس و توضينا و روحنا صلينا الفجر في مسجد الحي
29ـ06 : يوم كدت ان أموت فيه
بجد كنا على شفا حفرة من الموت فبينما احنا قاعدين و مبسوطين في الغرفة سمعنا دوشة و صراخ من طالبات الطابق الي فوقنا خرجنا نشوف في ايه لقينا كل العالم عمال يجري هارب من العمارة و شمينا ريحت غاز فمين غير ما نبص لبعض جرينا كلنا هاربين من العمارة و كان شكلنا وحش اوي و اللي شعرها مش مظبط و اللي مين غير جزمة و اللي مش عارفة ايه طبعا كلنا محجبات بس كلنا خرجنا من غير حجاب
و بعد ما بعدنا عن العمارة قعدنا نعيييط و طلاب العمارات التانية بنات و شباب عمالين يبصو علينا المهم راحوا المسؤولين طلعوا اسطوانة الغاز الي كانت حتنفجر و طمنونا فرجعنا للغرفة وقعدنا نعيد شريط الحادث و نفتكر مين من الطلاب الي ممكن يكون شافنا و احنا بالشكل دة و قعدنا نضحك
09ـ07 : يوم الوداع
أصعب و أقسى يوم في 2008 يوم ودعت فيه صديقاتي لا بل وطني بكل ما فيه
اليوم دة برضو حعديه عشان مش عايزة افتكره هو الثاني
15ـ07 : أول يوم في التدوين و كانت أول شيء كتبته هو ما يلي
السلام عليكم و رحمة الله و بركاته
و الصلاة و السلام على اشرف المرسلين
اما بعد
اخواني اخواتي ارحب بكم في مدونتي المتواضعة التي اتمنى ان تنال استحسانكم
Falling hearts Here
