CLICK HERE FOR BLOGGER TEMPLATES AND MYSPACE LAYOUTS »

الثلاثاء، 27 يناير 2009

تعالوا نفكر سوا



بداية أستأذن من حبيبة قلبي نور شاهين ان أستعير منها عنوان مدونتها في البوست دة و أقولكم تعالوا نفكر سوا
..........................................
الزواج من أصعب القرارات التي يجب على الانسان اتخاذها في حياته ، و من أكثر المواقف حيرة و تردد و تخوف

أحمد شاب في ربيع عمره أتم دراسته و استقر في عمله و فكر في الارتباط ،تعرف على زميلته في العمل فأعجب بها و فكر في التقدم لها و عندما كلم أهله عن الموضوع رفضوا لأنها ليست من نفسي قبيلته أو لان عائلتها ليست من مستواهم المادي

يا ترى ماذا يكون ردت فعل أحمد و هو الذي أحبها و تعلق بها لما لمسه فيها من طيبة و حسن أخلاق


لو كنت أحمد ماذا كنت ستفعل ؟؟؟؟

فاطمة فتاة حباها الله بدين و جمال تقدم لها أكثر من شاب و أخيرا استقر الامر على ابن الجيران و على شفا حفرة من القبول اعترض أبوها لعلمه ببعض المشاكل في عائلته لكن الشاب ليس له أي صلة بهذه المشاكل
ما ذنبه هو ثم ما ذنب فاطمة التي رأت فيه الزوج الصالح


لو كنت فاطمة كيف كنت ستدافعين عن نفسه و كيف ستتصرفين ؟؟؟

محمد و منى جمعتهم مواقف و لحظات جميلة جعلتهم يحبون بعض بشدة قرر محمد بعد تخوف عميق أن يتقدم لمنى فلم يستطيع ان يستحمل بعدها أكثر

و عندما تقدم صدم برفض بل بطرد من البيت و ذلك لان هناك ثأر بين العائلتين

ما ذنب قلبين احبا و تعلقا ببعض في مشاكل العائلات

ماذا سيكون يا ترى درت فعل منى و محمد؟؟؟
................................................
بعيد بقى عن أحمد و فاطمة و محمد و منى في حالات كثيرة اوي بيتحط فيها كل شاب و فتاة مقبلين عن المرحلة دي

الموضوع يا جماعة صعب و صعب أوي بجد و في ناس كثيرة بتتأخر في الجواز لسبب دة

لازم نفكر بعقل كويس و نحيط بالموضوع من جميع النواحي و بلاش نضلم حد

و أسال الله ان يرزقنا حسن الاختيار

36 التعليقات:

انسان وبس ! يقول...

طب ممكن افكر لوحدى وارجع تانى اقولك رأيى؟

blue-wave يقول...

اكيد رأى الأهل مهم
لكن معلش
مش هوا اهم حاجه
لأن دى حياتنا احنا
مش حياة اى حد تانى
واللى بيحب بيصمم ويدافع عن حبه فى وش اى حد
تحياتى

elsha3er يقول...

المفروض ان دى حياة الفرد بعيد عن اراء العائلة

احمد الشاعر

الطالبة عفو الله يقول...

انسان وبس !

طيب فكر كويس وتعالى قولي ايه رايك

في انتظارك

الطالبة عفو الله يقول...

blue-wave

يعني في رايك ممكن تقف ضدد اهلك علشان حبك ??

الطالبة عفو الله يقول...

elsha3er


هي فعلا حياة الفرد بس لو اعترض الاهل عن الحياة دي ايه العمل

zOzO يقول...

اولا وحشتيني اوي اوي
بجد والله
تعرفي قبل ما اشوف تعليقك عندي
كنت فتحت البلوج بتاعك


بالنسبه للبوست
فعلا بتكون صدمه كبيره اوي
بس في معظم الاحيان بيكون الاهل عندهم حق
لانهم اكبر فبيكونوا فاهمين اكتر

دمتي بخير وفي حفظ الله ديما

موناليزا يقول...

"اذا جاءكم من ترضون دينه وخلقه فزوجوه " كما قال رسولنا الحبيب صلوات الله وسلامه عليه
رايى الشخصى مينفعش اقف امام اهلى لانها المفروض جوازة مش حرب

maryooom يقول...

السلام عليكم
اولا انا مش عارفه لو انا حبيت انسان كويس واهلي رفضوا ممكن افكر اني متجوزش اصلا بعدها
تحياتي

nour shahen يقول...

اعتقد كل انسان هيتصرف علي حسب شخصيته يعنى كل فرد ممكن يختلف رد فعله عن الأخر بمراحل
لكن الاساس انه مش هيقدر يعصى اهله ويرتبط بحد رغماً عنهم لأنه بكدا بيخسرهم وللاسف مش هيقدر يكمل منغيرهم
لكنه يحاول يقنعهم ويوسط اهل واقارب وفى الاخر محدش بياخد اكتر من نصيبه
اذا الانسان ليه نصيب فى شيء اكيد هيشوفه ولو اجتمع اهل الارض علي عكس ذلك
كل القصص يجوز فيها المحاولات مع الأهل وان فشلت كل المحاولات فيبقى لنا الصبر والثقه فى الله
ومش لازم يوقف نفسه عند الخساره ويرفض الزواج من بعد القصه دى لأنه مش هيعاقب غير نفسه
وعسى ان تكرهو شيئا وهو خير لكم وعسى ان تحبو شيئا وهو شر لكم
والله تعالى اعلى واعلم
ومدونتى كلها تحت أمرك مش أسمها بس
وفكرى كل الوقت لحين عودتى أفكر معاكى لأنى خارج نطاق الخدمه اليومين دول ههههههههههههههههه

الطالبة عفو الله يقول...

Zozo

انتي لي وحشاني اكثر يا جميل

القلوب عند بعضيها يا قمر

بتكون صدمة فعلا بتأثر سلبا على نفسية الشاب و الفتاة و ممكن تولد عندهم أمراض و عقد نفسية

الاهل أحيانا بيكون معاهم حق فعلا بس أحيانا بيكون بصين لمصلحتهم و بس

الله المستعان

بوركت حبيبتي على مشاركتك

الطالبة عفو الله يقول...

موناليزا

طيب ان جاءكم من ترضون دينه و خلقه فزوجوه بيجي الاهل و يقولولكم لا دة ممعوش عربية و لا دة ممعوش شهادة يبقى حنعمل اييه
مش المفروض ان الاهل يعملوا هما كمان بالحديث و يبص للدين و الاخلاق

و الله حاجة تحير

الله المستعان

دمتي في ود حبيبتي و بوكتي على المشاركة

الطالبة عفو الله يقول...

maryooom

و عليكم السلام و رحمة الله و بركاته

اه الموضوع بيكون صعب اوي و ممكن يخليكي تاخذي قرار زي دة انك متتجوزيش تاني
و صراحة يبقى ليكي حق

يا رب ما يحطنا في المواقف دي

ربنا يحفظك يا قمر من كل سوء

بارك الله فيك

الطالبة عفو الله يقول...

nour shahen

كل واحد حيفكر بطريق مختلفة عن الثاني بس في النهاية يا ترى حيوصلهم تفكيرهم لايه؟؟

ما هي المشكلة هنا انه مش حيقدر يعصي اهله و حيكون بين نارين بين رغبته و رغبت اهله و صعب اوي انه يضحي بواحدة فيهم

يعني كدة يا نور تسيبيني افكر لوحدي يا بااااااااااااااااااااي على صحبة اخر زمن و قال ايه خارج نطاق الخدمة طب متخوشيه يا بنتي متفضليش بالخارج الباب مفتوح

على العموم ربنا معاكي و منتظراكي

في امان الله

mohamed ghalia يقول...

أكيد الى يحيب لازم يحارب عشان حبه
بس بالعقل والمنطق
دمتى بكل الود
فى حفظ الله

الملاك يقول...

السلام عليكم ورحمة الله وبركاته
أختى زيزى عندما اجد نفسى تقف امام صاحب لاحد تلك المشاكل لا املك الا ان اقول له استخير عالم الغيب والشهاده فانت وانا واسرتك والناس جميعا لا تعلم ما يعلمه هو فالجاء اليه هو واترك ما تخبرك به نفسك والجميع وهذا ما اعتمد عليه انا نفسى دائما فى جميع شئون حياتى وما ندمت على شئ -الا الشئ الذى لم الجاء فيه الي الله سبحانه وتعالى - بل على العكس اجد نفسى راضيه ومقتنعه بما اراده الله ولا اجد بانى قد خسرت احدا ممن حولى فحقا لا حول لنا ولا قوة الا بالله


اشكرك اختى على طرحك لهذا الموضوع

دمتى برعاية الله

الطالبة عفو الله يقول...

mohamed ghalia

تحارب مين دول اهلك و الله الموقف صعب مش سهل خالص انك تسيب حبك عشان اهلك و مش سهل خالص تضحي بحبك عشان اهلك
الله المستعان
مشكور اخي على المشاركة

الطالبة عفو الله يقول...

الملاك

و عليكم السلام و رحمة الله و بركاته

معك حق حبيبتي الحل في صلاة الاستخارة و الخير الخير كله في كل ما ياتي من الله

فلازم على الشخص انه يسلم امره لله و يخلص له النية و يصلي صلاة الاستخارة و كله يقين انه الخير فيما سيكون

بارك الله فيك و جزاك الله خيرا

دمتي في ود غاليتي

fL0weR-giRL يقول...

السلام عليكم
انا لو كنت مكان احد من التلاته دول هصبر
لان الواحد مايعرفش الخير فين
*(عسي ان تكرهوا شيئا وهو خيرا لكم وعسي ان تحبوا شيئا وهو شر لكم والله يعلم وانتم لاتعلمون)
ومافيش حد بيأخذ اكتر من المكتوب
والوقت الي مكتوب هتجوز فيه هتجوز فيه
*(انا كل شئ خلقناه بقدر )*

ورأي الأهل اكيد مهم
ومش كل شئ نمشيه بعواطفنا لأن عواطفنا احيانا بتخطأ

ولك كل الشكر والتقدير

واتمني زياره مدونتي المتواضعة)*

بنت مصريه يقول...

اولا احب ارمى التماسى
ازيك يا قمر

لو بصينا للموضوعات والمشكلات كلها
هنلاقى السبب واحد ومشترك فى كل هذه الامثله الا وهو الجهل
وضيق البصيره
بمعنى انى لا اعاقب احد او لا اعترض على احد لغلطه شخص اخر من نفس عائلته يجب ان احكم على الفرد من خلال شخصيته وليس مستوى وشخصيه اهله واقاربه

ولكن احيانا رأى الاهل يكون صائب

تحياتى ليكى

zainab يقول...

بصراحه انتى اتكلمتى فى موضوع جميل جدا

فعلا أصعب شئ اتخاذ قرار فى الزواج و الأصعب كمان لما يكون فيه مشاكلمثلما ذكرتى

تحياتى

mahasen saber يقول...

اكيد لو مكانهم هحتار فى الاختيار زى اى حد
بين رضا الاهل وحرية الاختيار

بس ارجع وااقول بثقه تامه ان الجواز بالذات نصيب ورزق من المولى عز وجل

وربنا يرزقهم حسن الاختيار

محمد ابراهيم يقول...

بصي اختي الكريمة
هو فعلا مش ذنبهم انهم يتحطوا في دايرة الثأر
بس مينفعش جواز من غير أهل
لان الملهوش خير في أهله ملهوش خير في حد
من الاخر و كلمة صريحة
المفروض يحطوا نفسهم في الوضع الراهن و يتصرفوا علي أساسه
يحاول تاني و تالت
لو ملقاش فايدة يبقي خلاص

كيــــــــــــارا يقول...

ادام بيحبوا بعض يبقي لازم يتمسكوا ببعض

معتز شاهين - باحث تربوي يقول...

موقف صعب لكن كان لازم التفكير في كل الظروف المحيطة قبل الإقدام على خطوة زي ديه

ومدونة رائعة وإلى الأمام

وادعوكم للمشاركة معي في نشر الوعي التربوي
واتمنى منكم وضع بنر لمدوني عندكم
وهي مدونة تهتم بتربية النشء وهي في طور الأنشاء وأرجو أن يحوز محتواها على
رضا الله ثم رضاكم
وفي حالة موافقتكم يرجى مراسلتي على الميل الموجود على المدونة لكي ارسل الكود لكم
وجزاكم الله خير

انى احبكم فى الله يقول...

طبعا راى الاهل مهم ونا اتفق معك وشكرا على الموضوعتقبلى مرورى

NİSANUR يقول...

ااسلام عليكم و رحمة الله و بركاته
I'm from Türkiye,from Ankara

الطالبة عفو الله يقول...

fL0weR-giRL

و عليكم السلام ورحمة الله و بركاته

صدقتي فعلا الواحد مبيعرفش الخير فين تم ان الواحد بيتعب نفسي في التفكير و الزواج ما هو الا قسمة و نصيب

بارك الله فيك اختي على المشاركة

سلمت يمناك

الطالبة عفو الله يقول...

بنت مصرية

هلا و غلا نورتي يا قمر

انا الحمد لله يا رب تكون انتي في احسن حال

فعلا لو بصينا للموضوع من ناحية حنلاقي ان سبب المشاكل هو الجهل او بمعنى اخر التفكير بطريقة غير صحيحة
و يبكون الضحية الشاب و الفتاة

سلمت يمناك حبيبتي

شكرا على المشاركة

الطالبة عفو الله يقول...

zainab

اولا منورة المدونة تانية اسمك جميل عشان زي اسمي ههههههه

بجد فعلا الموضوع صعب اوي و مهما قلنا صعب مش حنحس فعلا بقدر صعوبته الا لما نتحط في الموقف دة

الله المستعان

بوركتي اختي

شكرا على المشاركة

الطالبة عفو الله يقول...

mahasen saber

هو فعلا الزواج قسمة و نصيب

بس احنا بنتعب نفسنا في التفكير و الاختيار و كدة

ربنا يسهل و يرزقنا حسن الاختيار

بارك الله فيك اختي

دمتي في حفظ الله

الطالبة عفو الله يقول...

محمد ابراهيم

و الله يا اخي مش سهل انك تعارض اهلا بس احيانا بيكونوا فعلا الاهل مخطئين و مسيطر عليهم الجهل
بس الحل ان الواحد يحاول يقنعهم بالتي هي احسن و ربنا يسهل

اشكرك على المشاركة

دمت في حفظ الله

الطالبة عفو الله يقول...

كيــــــــــــارا

عاش من شافك يا بنتي ايه فينك ايه الغياب دة

المهم ان شاء الله تكوني بخير

الحب كلمة كبيرة و شعور بستاهل فعلا انه الواحد يضحي علشانه بس لو كان فعلا حب حقيقي

تسلمي يا جميل

ابقى خلينا نشوفك

الطالبة عفو الله يقول...

معتز شاهين - باحث تربوي

يا اخي الواحد ما بيكونش عارف الظروف الي ممكن تحصل فلو كان عارف كان عمل احتياطاته و سلك الطريق الخالي من اي مشاكل بس علم الغد عند الله

بارك الله فيك

في امان الله

الطالبة عفو الله يقول...

انى احبكم فى الله

احبك الله الذي احببتنا فيه

طبعا راي الاهل مهم لو كان منطقي و في محله

ربنا يهدينا و اياهم الي ما فيه الخير و الصواب

بوركتي اخيتي و جزاك الله خيرا

في امان الله

الطالبة عفو الله يقول...

NİSANUR

و عليكم السلام و رحمة الله و بركاته

اهلا بك اخي نورت المدونة

دمت في امان الله