غريبة الليالي

أهدي هذه الأنشودة لكل من دق لهم قلبي و أبعدني عنهم دربي

***********

الى من أبعدتني عنهم الدروب

وذابت في حبهم القلوب

سأظل أحبهم رغم الفراق المكتوب

رغم دمعي عن حبكم لن أتوب

********

ان حرمتني الدنيا لقياكم

فلن تحرمني ذكراكم

و سأظل أحبكم و لن أنساكم

انا و اللغات

بصراحة مش عارفة ليه حظي مع اللغات منيل قد ما بكرهم قد ما هما ملاحقيني في كل مكان

أفتكر و انا في الابتدائي كان اسوء صيف مر عليا هو الصيف لي كان يسبق صف الثالث ابتدائي عشان كان اول سنة لدراسة الفرنساوي

قضيت الصيف كله و انا قاعدة اتعلم في بونجوغ و بونسواغ و كومو تو طابيل و جوطيم...

حبقى اشرحلكم بعدين على اساس اني فهيمة

المهم عدينا و كبرنا و برضو خايبة في الفرنساوي و مرت ايام و جات ايام و قال ايه مهاجرين لاسبانيا

طب ليه بس؟؟ يعني مفلحتش في الفرنساوي الي قعدت ادرس فيه سبع سنين عايزني افلح في الاسباني لالالا انسوا

و دة كان فعلا شرطي اننا مستحيل ادخل ثانوية اسبانية

المهم ربنا سهل و لقينا مدرسة سعودية

و يا فرحة ما تمت

قال ايه ؟؟ لازم ادرس انجليزي و ايييييه مع ناس دارساها يجي خمس سنين و انا ربك كريم يدوب اعرف هاي و هالو في دي بقى كبرت دماغي و مهتمتش اساسا بالمادة

و روحي يا ايام تعالي يا ايام و يجي بقى واحد مغربي الماني دة حتى العربي بتاعو نص نص قال ايه عايز يتجورني قلتلهم لا طبعا ازاي حنتفاهم و ازاي حتعلم الماني و مش عارفة ايه المهم تبريرات غير منطقية و راحت يام و جات ايام و تم القبول و فعلا بقى على ذمتي

ودة طبعا يتطلب تعلم الالماني و اه يااااانا

اقولكم ايه عن الالماني كلو يهون يا حبيبي يا فرنساوي يا سلام على جمال الاسباني

يا لهوي يا لهوي ع الالماني

كلام كدة مش مفهوم المهم قلنا لا بقى خلينا فالحين المرة دي و نشد حيلنا بقى و نركز بقى في الالماني

اتسجلت في معهد لغات و امبارح بقى كان اول يوم

المهم دخلت القاعة بعد ما سميت بالله ،اول حاجة لاحظتها اننا وسط عالم كله اسبان وقتها انتبهت يا خبتي القوية دة كل الكلام و الشرح حيكون بالاسباني قلت في عقل بالي كفاية تنزلي من قدرتك اللغوية يا زوزو انتي شاطرة في الاسباني و حتفهمي ان شاء الله

و جات المدرسة و عرفت عن نفسها تعرفوا اسمها ايه بريغيت ههههه دة بقى نموذج للاسماء الالمانية لو دة اسم بس، امال الكلام حيكون شكلو ايه ربنا يسهل

عدت اول حصة و طلعت مبسوطة اننا فهمت كل حاجة دي كلها اسمي كدة و انت اسمك ايه المهم دة برضو بيعتبر علم

بعد الكلام دة كله عايزة اقلكم بالله عليكم ادعولي ربنا يسهلي بقى ف الالماني و ا سفة اننا طولت عليكم

و دمتم سالمين

اعلان عن *الى حبيبين*

أحب أرحب بكل المدونين و الزوار في مدونتي الجديدة الى حبيبين

الى حبيبين مدونة ستتطرق باذن الله لكل ما يتعلق بالحياة الزوجية بكل صغيرة و كبيرة فيها

ستتكلم عن الحب عن جماله و روعته عن ضرورة وجوده في حياتنا

ستناقش المشاكل التي تواجه الزوجين و كيفية التعامل معها

ستتكلم في الحياة العاطفية و طرق كسب شريك الحياة

ستطرح تجاريب واقعية تفيدنا في حياتنا الشخصية

لكل أب و أم لكل زوج و زوجة لكل خاطب و خطيبة لكل شاب و فتاة

باقة من المواضيع الشيقة و المناقشات القيمة و النصائح المفيدة

أكرر ترحيبي و أهلا و سهلا بكم

انتظرونا قريبا مع الحب في حياتنا

رابط المدونة

:http://ila-7abibayn.blogspot.com/