CLICK HERE FOR BLOGGER TEMPLATES AND MYSPACE LAYOUTS »

الجمعة، 9 أكتوبر 2009

انا و اللغات



بصراحة مش عارفة ليه حظي مع اللغات منيل قد ما بكرهم قد ما هما ملاحقيني في كل مكان



أفتكر و انا في الابتدائي كان اسوء صيف مر عليا هو الصيف لي كان يسبق صف الثالث ابتدائي عشان كان اول سنة لدراسة الفرنساوي



قضيت الصيف كله و انا قاعدة اتعلم في بونجوغ و بونسواغ و كومو تو طابيل و جوطيم...


حبقى اشرحلكم بعدين على اساس اني فهيمة



المهم عدينا و كبرنا و برضو خايبة في الفرنساوي و مرت ايام و جات ايام و قال ايه مهاجرين لاسبانيا


طب ليه بس؟؟ يعني مفلحتش في الفرنساوي الي قعدت ادرس فيه سبع سنين عايزني افلح في الاسباني لالالا انسوا


و دة كان فعلا شرطي اننا مستحيل ادخل ثانوية اسبانية


المهم ربنا سهل و لقينا مدرسة سعودية


و يا فرحة ما تمت


قال ايه ؟؟ لازم ادرس انجليزي و ايييييه مع ناس دارساها يجي خمس سنين و انا ربك كريم يدوب اعرف هاي و هالو في دي بقى كبرت دماغي و مهتمتش اساسا بالمادة


و روحي يا ايام تعالي يا ايام و يجي بقى واحد مغربي الماني دة حتى العربي بتاعو نص نص قال ايه عايز يتجورني قلتلهم لا طبعا ازاي حنتفاهم و ازاي حتعلم الماني و مش عارفة ايه المهم تبريرات غير منطقية و راحت يام و جات ايام و تم القبول و فعلا بقى على ذمتي


ودة طبعا يتطلب تعلم الالماني و اه يااااانا


اقولكم ايه عن الالماني كلو يهون يا حبيبي يا فرنساوي يا سلام على جمال الاسباني


يا لهوي يا لهوي ع الالماني


كلام كدة مش مفهوم المهم قلنا لا بقى خلينا فالحين المرة دي و نشد حيلنا بقى و نركز بقى في الالماني


اتسجلت في معهد لغات و امبارح بقى كان اول يوم


المهم دخلت القاعة بعد ما سميت بالله ،اول حاجة لاحظتها اننا وسط عالم كله اسبان وقتها انتبهت يا خبتي القوية دة كل الكلام و الشرح حيكون بالاسباني قلت في عقل بالي كفاية تنزلي من قدرتك اللغوية يا زوزو انتي شاطرة في الاسباني و حتفهمي ان شاء الله


و جات المدرسة و عرفت عن نفسها تعرفوا اسمها ايه بريغيت ههههه دة بقى نموذج للاسماء الالمانية لو دة اسم بس، امال الكلام حيكون شكلو ايه ربنا يسهل


عدت اول حصة و طلعت مبسوطة اننا فهمت كل حاجة دي كلها اسمي كدة و انت اسمك ايه المهم دة برضو بيعتبر علم



بعد الكلام دة كله عايزة اقلكم بالله عليكم ادعولي ربنا يسهلي بقى ف الالماني و ا سفة اننا طولت عليكم



و دمتم سالمين




15 التعليقات:

smilyrose يقول...

السلام عليكم

اخبارك حبيبتى

عارفة يا زوزو بتفكرينى بحالى

فى المدرسة وازاى مكنتش بحب حصص اللغات

رغم انى بحب الافلام الاجنبى جدا ههههه

المهم راحت وجت الايام وبقى شغلى كله

باللغات وخصوصا اللغه الانجليزية

وبقيت بفتكر الايام دى وابتسم

المهم ربنا يسهل ليكى الالمانى

ويعينك عليه

شلوم ههههههههه دى عبرى

موناليزا يقول...

هههههههه
ألمانى يازوزو
عريسك بيتكلم ألمانى!
يعنى ولا كلمة عربى:)
طب هو ليه مايتعلمش عربى؟

احساس طفلة محبة للرومانسية بس واقعية يقول...

هاهاهاهاهاهاهاها
من فرنساوى
لاسبانى
لانجليزى
لالمانى
اية الجمال دا
عارفة انتى مفروض تقعدية وتعلمية عربى بتهيألى هيكون اسهلك :)

ربنا يعينك هى اللغات حاجة جميلة ومش بتضر متقلقيش وكله يهون عشان عريسك يا قمر ربنا يتمملك على خير

تقبلى مرورى

رحيق الحياة يقول...

حبيبة قلبي إزيك

عارفه إننا منعرفش بعض كويس و من زمان مش متبعاكي بس والله فاكراكي

عااارفه
والله ضحكت بالدموع
ههههههههه

فكرتيني بحاااااااااااالي

يا ستي أنا عندي العربي طبعا

و الفرنسي ثانيا

و الإيطالي بما أني مهاجره في إيطاليا

طب إسمعي حاصل معايا إيه دلوقتي

أنا درست إنجليزي 10 سنين من عمري و والله والله لا فاكره كلمه منه

المهم أنا دلوقتي مزنوقه

إتخطبت لشاب مغربي إيطالي

الحمد لله اللغه المشتركه هي الإيطالي

إنما المغربي؟؟؟
يا نهااااااااار إسوح
لو واحد إتكلم معايا مغربي قاعد أضحك زي الهبله

هو مسكين حاول يتكلم معايا مغربي بس أنا مش ببطل ضحك فقرر عدم الكلام بالمغربي أبدا... طبعا أنا من تونس و هو مش بيحب يسمعني أتكلم تونسي قال إيه مش عدل إن هو يتكلم إيطالي و أنا أتكلم تونسي....دلوقتي في زنقة تانيه, إيه بقى؟؟ الطبخ, ياااا لهوي على الطبخ, يعني صراحة أنا ماما مخلياني ملمسش حاجه قال إيه عشان مأبوضش الدنيا و أخويا قالي لااا يا ستي أنا معدتي غاليه لو عايزه تجربي فجربي في معدة جوزك, دلوقتي أنا لازم أتعلم تلات مطابخ, المطبخ التونسي و الإيطالي و المغربي... عارفه؟ أنا حلطم و حصوّط يمكن هههههه هو ديمقراطي قالي إتعلمي المطبخ الإيطالي بس الله و أعلم يمكن يغير فكرته بعدين و أكون فعلا في زنقه ما بعدها زنقه... حتقولي المغربي سهل و أنا حقولك التونسي سهل....هو قال إن في لغه رابعه قصدي لهجه...مع العيله بتاعتي ممكن يتكلم مصري، يعني أنا قلبي على الولاد حيلاقو مغربي، تونسي، إيطالي و مصري معرفش إذا حيتكلموا و إلا يفضلوا السكوت ههههه

حبيبة قلبي زوزو إبقي طمنيني عليكي ههههه

سلام يا أختي في الله

nour shahen يقول...

يا حياتى عليكى
ههههههههههههههههه
والله انا مشفقه عليكى
ربنا يقدرك يا قلبي يا رب
بدعيلك من كل قلبى دايما
بس انتى شدى حيلك انا معرفش عنك الاستسلام ابدا
قهرتى الفرنسى ومن بعده الاسبانى
يا روح قلبى عليكى وانتى بتقولى تيكيرو
استاذه يا ناس لا اوعى وشك بجد
انا متفائله اوعى تحبطينى
ومعلش لو علي الاسماء انتى بس ركزى وكله هيهون ان شاء الله
ولو احتاجتى اى شرح لو سمحتى من فضلك
اوعى اوعى اوعى
تقوليلى الحقينى هنهرج ولا ايه هههههههههههههههههههههه
كله بيهون يا بنتى وشدى حيلك والباقى لله وهكمل الباقى فى الجواب وبلاش تشريد
وحشانى موووت ا زوزو بخفة دمك ومرحك وروحك الجميله دى
انا مالى اتصرفى بقى هاتى نت من اى حته علشان ندرس سوا
انا اخدت عربى وفرنسى واسبانى باقيلى كلمه المانى لو سمحتى مش هفرط فيها
فهمانى طبعا
وخدى بالك من نفسك قوى ومتغبيش وراعى التوقيت المصرى وانتى بتدخلى للنت الله يكرمك
بحبك موووووووووت وربنا يحفظك ويوفقك يا قلبي

salma mohamed يقول...

((((:
بجد بقالي كتير في وسط ظروفي ما ضحكت,
بس بجد انا تهت,
انتي بقى جنسيتك الحقيقيه ايه؟ وعايشه فين؟وبتتكلمي عربي بلهجة ايه؟ وجوزك او خطيبك بيتكلم ايه ومنين؟
بجد انا تهت واحترت,
ربنا معاكِ ويعينك,
طيب والله ده شيئ حلو كتيير انك تكوني بتعرفي كل اللغات دي.

mahasen saber يقول...

الله اكبر انا احب كل ما هو المانى منذ هذه اللحظه ولخاطر عيونك يا زوزه

مليون مليون مبروك يا حبيبتى على ان بئا فيه حد على ذمتك يا جميله
مليون مليييييييييييييييييييييون مبروك يا حبيبتى

وزيهم كدا لانك هتتعلمى المانى واسبانى فى نفس ذات الوقت

متتخيليش انا مبسوطه ازاى انك اتجوزتى
ربنا يسعدك ويجعلكوا لبعض ازواج فى الدنيا والاخره
ربنا يسعدكوا ببعض يا حبيبتى

الطالبة عفو الله يقول...

smilyrose

و عليكم السلام و رحمة الله و بركاته

تمام الحمد لله يا قمر ازيك انت

افتكرت انا وحدي الي متعقدة من اللغات طلعتي زيي

تعرفي انا برضو بحب اسمع اللغات المختلفة و اتعرف على ناس بتتكلم بيها بس اننا اتعلمها لالالا دي صعبة بقى طبعا احب اوي اننا اكون بعرفها بس من غير ماتعلمها تساليني ازاي اقلك معرفش هههههه

المهم ربنا يوفقك يا حبيبتي

و تشوز دي بقى الماني من مكتسباتي الجديدة

الطالبة عفو الله يقول...

موناليزا

شوفتي بقى الماني مرة واحدة اخر ما كنت اتوقعه سبحان الله

لا يا حبيبتي هو مغربي بس مولود هناك و كابر هناك بيتكلم مغربي ملخبط

ان شاء الله بس اروحله حعلمو المغربي و العربي الفصحى كمان عشان هو ليه رغبة قوية انه يتعلم فعلا

و حبقى اتعلم منه الالماني

الطالبة عفو الله يقول...

احساس طفلة محبة للرومانسية بس واقعية

تصدقي انه معاكي حق اننا اعلمه العربي حيبقى اسهلي بكتير لانه بيعرف شويا و برضو متحمس اوي انه يتعلم

اه انا معاكي فعلا في ان اللغات حاجة جميلة اوي و ثقافة تخليكي تندمجي في مجتمعهم بس الاصعب هو تعلمها

ربنا يسهل

بس انت قوليلي ايه حكايتك مع لغة البلد لانتي فيه

اتوقع انتي في اليابان صح؟

الطالبة عفو الله يقول...

رحيق الحياة

انا كويسة يا حبيبتي

انتي لي فينك بس؟؟

انا عن نفسي بعرفك كويس و متابعاكي و من المعجبين بمدونتك

و مفتقداكي اليومين دول اصلك مختفية بقالك فترة وحشتينا طمنيني عليكي

على فكرة اللغة من اكثر الحاجات الي بتتنسي بسرعة لو متمش استعمالها

يا سلام خطيب مغربي يعني لازم نعمل قاعدة مع بعض اديكي بعض اساسيات لهجتنا و طبخنا

تعرفي أنا كنت فاكرة ان دول المغرب العربي سهل عليهم يفهمو و يتكلمو مع بعض كل واحد بلهجته

مش عارفة ليه احنا المغاربة بنفهم تقريبا كل اللهجات العربية و مفيش حد يعرف يفهمنا و احنا بنكلم مغربي امال لو اتكلمنا امازيغي حتعملو ايه هههههههههههه

بوصي انا مش متفقة معاكم في حتة انكم تدخلو المصري كفاية اختلاف لغتين تضيفو تالتة عليهم اضافة للايطالي كدة الابناء حيتجننو حرام

انا بشوف جميل لو تعلميه التونسي حبة حبة و هو يعلمك المغربي و صدقيني
حتلاقو في حاجات متشابهة و حتلاقو ان الامر مش بصعوبة الي متصوراها

اما عن الطبخ فدة على حسب انتي لو بتحبي موضوع الطبخ و بترتاحي و انتي بتعملي حاجة في المطبخ فيكون عليكي سهل اوي تتعملي الطبخ بصفة عامة سواء التونسي و لا الايطالي و لا حتى المغربي
الطبخ كله عبارة عن مقادير و بتمشي عليها و المقادير ممكن تجيبيها من النت او الكتب
فالموضوع متعلق بيكي انتي و بميولك للطبخ

و بجد لو عايزة اي مساعدة في اي حاجة انا تحت امرك

و ربنا يسعدكم و يتمملكم على خير

الطالبة عفو الله يقول...

nour shahen

يا ناس يا لي وحشنا انتو

انتي فين يا روحي وحشاني اوي

عيزاني اجيب نت في عينك مش لما تبعتي الجواب الاول

اه انا شريرة بقى و رخمة ايون هي انا

سايباني متعشمة في الجواب و كل يوم و انا طالعة و انا راجعة ابص في صندوق الجوابات مفيش حاجة

كدة برضو

المهم انا بستنى يوصل الجواب لي مش عارفة امتى حترحميه و تبعتيه و بعدو اشوف ندخل النت عشان ندرس فعلا مع بعض و اديني اخد فيك تواب و اعلمك معايا

على فكرة بالالماني حاجة مختلفة اوي مش زي تيكيرو و جوتاموو لما اشوفك حبقى احفظهالك

و الله يا قلبي انا فعلا بحاول قدر المستطاع اننا ادخل للنت في وقت يناسبك بس غالبا مبيكونش بايدي و احيانا بدخل و مبيكنش معايا رصيد عشان ارنلك ربك كريم

بس ان شاء الله اوعدك قريب جدا حنتكلم مع بعض لانك وحشاني مووووت

تيكيرو و جوتامو و الباقي للحلقة الجاية

الطالبة عفو الله يقول...

ضحكتيني يا سلمى بصراحة من حقك تتوهي فعلا
اصل انا كاتبة على اساس الناس كلها بتعرفني
ماعلينا بصي يا حبيبتي انا مغربية لهجتي الاصلية مغربي بس اعرف اتكلم لهجات عربية تانية زي المصري
عايشة في اسبانيا يعني مغتربة مش بنت البلد ههه
جوزي ولا خطيبي هو حاجة بنهم مكتوب كتابنا بس الفرح لسة هو مغربي الاصل بس مولود وعايش في المانيا كدة تبقى الصورة وضحت اكثر

وربنا يسعدك يا رب

الطالبة عفو الله يقول...

mahasen saber

الله يبارك فيك يا قمر مرسي اوي بجد لفرحتك انت انسانة جميلة اوي ربنا يبارك فيك يا رب

غير معرف يقول...

يا سلام على اللغات و الله ضحكتيني حبيبتي
بس بعد خبتي القويّة في لغة الكمبيوتر