CLICK HERE FOR BLOGGER TEMPLATES AND MYSPACE LAYOUTS »

الخميس، 6 نوفمبر 2008

حواري معها


رأيتها حزينة و العَبارات تكاد تخنقها و الدمع يملأ عيناها و الآهات تملأ قلبها



سألتها

ويحك لما كل هذا الحزن



ردت مع تنهيدة عميقة حملت فيها جزء مما هو مكبوت بداخلها و قالت في حسرة :



ليتني اخترت التخلي عنها





تساءلت مع نفسي قبل ان أسألها و قلت في استهفام :



و من تكون ؟؟؟



سكتت برهة و ردت



ماذا أقول لك ... هي من أغوتهم بجمالها ..هي من غشيت أبصارهم بمدياتها ..هي السبب .. هي من فرقت الشمل



الشمل أعدت الكلمة مع نفسي و قلت :



شمل ؟؟ اي شمل تقصدين؟؟



رمقتني بنظرة غريبة حركت شيء ما بداخلي ، و لم أترك لها مجالا للرد حيث استطردت كلامي قائلة :



و لكنك لم تخبريني بعد من تكون



آآآآآه لو تعرفين



لقد نزعت من قلوبهم الرحمة ..نعم و أغرقتهم في دنيا الماديات و لم يعد في قلوبهم متسع لمسميات حب ، الرحمة ، العطف ...



يا ربي كل هذا و أنا لم أفهم شيء من كلامها ثم ضمير {هم} يعود لمن؟؟؟....



و غبت في حوار آخر مع نفسي الي أن نبهتني بسؤالها



عرفتي الآن من تكون



ها لا لا ليس بعد



ماذا تريدين أن تعرفي أكثر أنها فرقت بيني و بين حبيبتي ؟؟



حبيبتك و من تكون هذه الأخرى ؟؟و أين هي ؟؟؟



منبع سعادتي و سوف تعرفينها عندما تجدينني سعيدة



و هنا أذرفت دمعة من عينها و ومعها نزف بداخل قلبها ثم طأطأت رأسها و مشت بخطى متبعثرة



لاحقتها بنظري والعَبارات تملؤني و لساني عاجز عن التعبير لكن بداخلي كلام كثير



و علامات استفهام أكثر




53 التعليقات:

موناليزا يقول...

ايه الغموض المثير ده يازوزو
ماشى ياستى
عموما انا شايفاها بتتكلم عن الدنيا ومافيها من شهوات تجعل من يفكر فيها لايكف ابدا عن اخذ كل شئ يفيده حتى لو على حساب الاخرين
صح كده ولا ايه؟

wafaa يقول...

عروستى

الرومـيصاء يقول...

ايه يازوزو
تغيبى تغيبى

وترجعى تحيرينا


عموما انا

كمان شيفاها بتتكلم

على الدنيا


عموما لازم تكملى الحوار ده


دمتى بحفظ الله

nour shahen يقول...

مين فين ليه
دى مش مدونة أنجى لا دا ازبهلال من أثر الصدمه
هو انا بقيت غبيه قوى كدا ولا هو الحوار موصلش لشيء علشان أفهمه
هههههههههههههههههه
جاوبينى انتى بقى
انتى مسبتلناش ولا تلميح صغير ننفذ منه لنفهم
لا كدا صعبه يمكن أفهم لما اقراها تانى بس بالتاكيد مش دلوقتى لانى بعد رحلة عذابى مع الكمبيوتر اصبحت مهنجه تقدرى تقولى كدا
فأعتبرى دا مرور لحفظ المكانه وليس التعليق الاصلى والله المستعان
بس موعدكيش اكتب تعليق تانى الا لو فهمت مش ارجع اقول مين فين ليه تانى هههههههههههههههههههه
خالص تحياتى ليكى

nour shahen يقول...

وااااااااااااااع
انا ممرمطه نفسى عياط
قريت تانى ومفهمتش يا زوزو
امتى الانسان يكون سعيد لو لقى الرضا
رضا ربنا عنه فلو هى قابلت الرضا هتسعد هل الرضا او رحمة ربنا هى حبيبتها اللي ضاعت منها
طيب ضاعت ليه علشان انشغلت بالدنيا زي ما بيقولوا لالالالالالا اعتقد كل دا تفكيرى دا مبنى غلط فى غلط
مش عارفه بقى اكيد الجزئيه دى ليها تكمله او حل بقى
عقدتيها وعقدتينى واااااااااااااء
بس كاتبه بأسلوب أدبى هايل
ولا نور ولا بتاع بقى انتى مسحتى نور خالص مالص
هروح بقى ولما أفهم هرجع أكيد قولى يا رب

nour shahen يقول...

عدت تانى بعد قرآتى مرات ومرات
حبيبتها هى الصلاه
انشغلت باللهو عنها
فلو رجعتلها تبقى سعيده
مهو مش موضعنا انها بتتكلم عن الدنيا دلوقتى
هى كبرت في دماغى بقى ههههههههههههههه
وعايزه افهم
اتصل اصحيكى دلوقتى بقى علشان افهم
انا مالى بقى بقى وااااااااااااااااااااء
زمانك صليتى الفجر ونمتى وهنام انا ازاى بقى دلوقتى وانا عماله افكر
اه يا انا يا غلبانه
الله المستعان
لفه كمان وهتدينى مصاصه ههههههههههه
انتظرينى قريبا لما أفهم منا اعمل ايه بحاول اهو بس الله المستعان بقى بقى

الطالبة عفو الله يقول...

انا برضو قلت حتكون غميضة عليكم و قلت ان الكثير حيفهمها الحياة

بس انتي يا نور كنت متخمنة تعرفي

المهم مادام انها غميضة اوي كدة ححاول اعملها تتمة اوضح فيها شوية

بس هي مش الحياة

دة تعليق بصفة عامة لاني مستعجلة لما ارجع ابقى رد على كل واحدة على حدى

و سلام و شكرا على تعليقاتكم

عابرة يقول...

ان لم تكن الحياة فهي شيء من داخل الحياة ان تركناها تحزننا وان كنا معها نسعد بوجودها فما هي واتمنى ان تكملي الحوار لنعرف ما هي

حبيبة الروح يقول...

هو الحل هينزل في العدد القادم
ههههههههههههههههههههه
ايه يا زوزو مش فاهمه حاجه
وبعدين انتي عامله ايه النهارده
مستنياكي في مدونتي

ضد التيار يقول...

و انا بقرا البوست حسيت انها الانانيه

لانها الصفه الوحيده اللى ممكن تعمل اللى قولتيه

الله اعلم التخمين صح ولا غلط

و لكن هانتظر مع الباقى لكى اعرف ماهى

تحياتى

م/ الحسيني لزومي يقول...

شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي

رابطة هويتي اسلامية يقول...

ندعوكم للمشاركة معنا في رابطة " هويتي إسلامية "

لا تكن بخيلا وشارك معنا لنهضة التدوين

كون معنا أول شبكة تواصل في عالم التدوين

كلنا نتفق في الغاية نختلف في الأسلوب

هيا.................. كن أول المشاركين

رابطة هويتي إسلامية

محمد ابراهيم يقول...

غموض مثير جدا
مين دي الي بتكلميها يا طالبة عفو الله ( عفوا انا معرفش الاسم )
عموما عاوزين نعرف منك قريبا لان الفضول قتل صاحبه
و علي فكرة
البنوتة الي في الصورة الرمزية جميلة جدا بجد
ياريت تحطي لينك الصورة .

حـــــ الــجــنــة ـــــور يقول...

السلام عليكم
بجد بوست غامض مش من عويدك يازوزا بس ماشي لو مش الحياة يبقى مرأه مغروره مثلا غرتها المديات ههه
بجد بوست جميل بس لازم توضحي الإبهام ياقلبي في إنظار جديدك دمتي في رعاية الله وحفظه
سلاااام

سبهللة يقول...

كنتى سألتى خيخة عن معنى كلمة فراندا
دى كلمةاصلها لاتينيى هتلاقيها فى اغلب اللغات الاوروبية بنفس الحورف ومعناها باللغة العربية الشرفة او باللغة العامية البلكونة
دى حروفها
veranda
سواء انجليزى فرنساوى ايطالى اسبانى او حتى المانى
بتتكتب بنفس الحروف وليها نفس المعنى
تحياتى ليكى والسلام عليكم

الطالبة عفو الله يقول...

موناليزا

نورتي يا جميل

لا يا حبيبتي هي مش الحياة

و الله مش عارفة ازاي اوصل هي مين بطريقة غير مباشرة

المهم تابعي الجلقات المقبلة

شكلها حتتحول لقصة هههههههه

على فكرة حلمت بيكي يا سلام و هما بيقولولي تعرفي دي مين
دي امة الله

قمرايا

ربنا يحفظك

الطالبة عفو الله يقول...

wafaa

؟؟؟؟؟؟؟؟

نورتي يا جميل

مفهمتش ايه قصدك بعروستي

بس حعديها ليا انا

و اقولك مرسي يا قمورتي

الطالبة عفو الله يقول...

الرومـيصاء

لا يا قلبي مش الدنيا

و ما دام انه مبهوك كدة اوي

و ما دام الكل طالب اكمل ان شاء الله حخليها بقى قصة و تكمل ان شاء الله بعد فصلين

و يا سلام بقينا نكتب قصص

نورتي يا جميل

الطالبة عفو الله يقول...

nour shahen

هههههههههههههههههههههه

قريت تعليقاتك التلاتة اكثر من مرة و مايتة من الضحك عليكي يا قلبي

كدة برضو يا نور انتي لاخرى متفهمنيش

بس بيني و بينك اه هي فعلا متعقدة انا كتبتها و مفكرتش انها حتكون متعقدة اوي كدة عشان انا بقى عارفة هي مين ههههههههههههههه

هاتي وذنك اقلك هي مني

انتي مصدقتي و لا ايه لا يا بنتي مش حقلك
و خلاص متعيطيش حديكي المصاصة

و اه لو كنت اتصلتي و صحتيني امبارح كنت حقتلك دة راسي كان حينفجر من الصداع

المهم يا قلبي متقلقيش انا حكمل الحواري معها بس لما اشوفها تاني
ههههههههههه و متقوليليش هي مين

خلينا ف هي مين الاولانية

نفسي اعرف حاجة ليه ديما ردودي هليكي بتبقى طويلة اوي كدة ليه

شوفتي الحب

يا سلام

بس خلاص عيب احنا في التدوين

سلام

الطالبة عفو الله يقول...

عابرة

اختي اتوقع ان هذه اول زيارة لك لمدونتي

فأهلا و سهلا بك اختي نورتي بطلتك

انتظري التتمة

ان شاء الله ياتابع حواري معاها

دمتي في حفظ الله

الطالبة عفو الله يقول...

حبيبة الروح

مي حبيبتي

و الله يا جميل انا مكنتش مبرمجة اننا اننا اعملها تتمة
بس بما انها غامضة اوي كدة
و الكل طالب تتمة
ان شاء الله حنزل عدد تاني من مجلة حواري معها

يا سلام و بقينا كتال و مجالات و عدد

اللهم بارك

صلوا على النبي

انا الحمد لله احسن النهاردة و اديني قاعدة بستناكي

سلام يا قمر

الطالبة عفو الله يقول...

ضد التيار

نورتي يا اختي

لا يا جميل ليست الانانية

ستتفاجؤون حقا عندما تعرفونها

تابعي معانا

سلام

الطالبة عفو الله يقول...

محمد ابراهيم

اهلا و سهلا بك اخي نورت المدونة

ان شاء الله ستعرف قريب

تابع معنا

الصورة الرمزية اه فعلا عي جميلة جدا

لك ان تاخذها مني
اي من الصورة الرمزية نفسها

بارك الله فيك

الطالبة عفو الله يقول...

حـــــ الــجــنــة ـــــور

و عليكم السلام و رحمة الله و بركاته

لا يا قلبي و لا هي امراة مغرورة

انتو مشيتو بعيد عن المعنى

المهم تابعي معانا يا قمر و انتي تعرفي

نورتي بجد يا قمر

و بلاش تبقى تطولي الغيبة

الطالبة عفو الله يقول...

سبهللة

اولا اهلا و سهلا بيكي في مدونتي المتواضعة

تانيا مرسي ليكي على الاهتمام فعلا
تالتا و دة الاهم انك ساهمتي في اننا اكتسب مصطلح جديد

ربنا يخليكي و يبارك فيكي

في امان الله

كـــيــــــــارا يقول...

مممممممممم

انا كنت هقول الانا

لكنم انتي قلتي لا مش هي

فهستني اشوف هي ايه

ghorBty يقول...

السلام عليكم ورحمة الله وبركاته

اختي الطالبه عفو الله جميل ما كتبتي

لقد قرءتها مرارا لعلي اصل


واظن اني وجدتها

هي شئ من اسمي انها الغربه

فهي التي تفرق الشمل

هل الغربه هي المقصوده

يااااااااااا رب تكون صح

هزعل اوي لو طلعت غلط

منتظراكي

La RoSe يقول...

السلام عليكم

قرأتها أكثر من مرة ولم أستطع التخمين قط..

لا دي صعبة أوي بصراحة

بإنتظار التتمة :)

nona يقول...

عروستى
انا مش فاهم حاجة
هو احنا لسة هنستنا كمان بوستين على ما نعرف
انتى لية قلبك قاسى علينا كدة
طب قوليلى فى ودنى و انا مش هقول لحد متافقين يا جميل
انا مستنية اهوة

رحيق الحياة يقول...

طب أقول أنا
ممممممممممم
أنا كل يوم أدخل أقرأ البوست و أخرج و أكون حقطع شعري ههههههه آه والله عشان أنا فضوووووووولية جدا و الفضول قتلني
طب مين؟ مش عارفه بس يمكن لااااا مش الحياة طب أقول هي مين ممممممم و يا زوزو لو مقلتليش مش حنام والله قبل ما انام افكر هيا مين طب حقول الغربة عشان شايفة انها عاملة فيا كده

يلا تعالي و قوليلي مستنياكي

تحياتي
اختك رغدة

nour shahen يقول...

انا مالى بقى برغم انك كنتى بتسهليها عليا امبارح بس سها كانت بترغى في ودانى زي ما شوفتى ومكنتش عارفه اسمعلك ولا اسمعها
تصدقى دلوقتى بفكر في البلد وفى الأهل
انا هخرف هنا لا انا استنى علي الايميل هههههههههههههههههه اخرف هناك ارحم
ونستنى تانى ومشوفتش المصاصه يا اختى
وعلى فكره.. ولا اقولك مش هقولك خليها مفجاءه
مهو مفيش حد احسن من حد بقى ههههههههه

لؤلؤة الرحمن يقول...

السلام عليكم ورحمه الله وبركاته
-----------------------------
طبعا بما انه كل اللى قبلى من الاذكياء والعباقره معرفوش تقصدى ايه

فبالتالى انا مش هفهم

وتقريبا كده هسهر معاكى النهارده ان شاء الله عشان اعرف تقصدى ايه

لانى صبرى قليل ومبحبش اقعد مش فاهمه كتير
انتى فاهمه بهنج وده مش فى صالحى خالص
هنتقابل بالليل على الاسكيب

مستنياكى ......ماشى
----------------------------------

حبيبة الروح يقول...

كل سنه وانتي طيبه يا زوزو يا قمر
وعقبال الف مليون سنه
مي

الطالبة عفو الله يقول...

كـــيــــــــارا

ايه تأخير دة يا كيارا مش من عوايدك


الانا و باقي الكلمة ودتيه فين يا بنتي

المهم لا مش الانانية و تابعي معانا و انتي تعرفي

و سلام يا قمر

الطالبة عفو الله يقول...

ghorBty

و عليكم السلام و رحمة الله و بركاته

نورتي يا جميل

و اقولك ايه مينفعش اننا ارد عليكي بصح و لا غلط

خليها مفاجأة

بس الي حقلك متزعليش يا قمر

مقدرش على زعلك

و انتظري باقي الحوار

في امان الله

الطالبة عفو الله يقول...

La RoSe

و عليكم السلام و رحمة الله و بركاته


نورتي يا جميل

ان شاء الله حتعرفي قريب

انتظري معانا

في امان الله

الطالبة عفو الله يقول...

nona

طيب يا قمر هاتي وذانك اقلك

و لا قلك خليها لما تعرفي مع الكل

حيبقى طعم المفاجاة احسن

لا يا قمر مقدرش اكون قاسية عليكم

دنا بريئة يا بيه

المهم يا قمر استني معانا و انتي حتعرفي

في امان الله

ghorBty يقول...

السلام عليكم

اختي الطالبه عفو الله

اممممممممممممم طيب مستنيه الجزء التاني ان شاء الله

بس فيه جوايز والا ايه ؟

دمت بود

الطالبة عفو الله يقول...

رحيق الحياة

تعرفي يا رغدة انا قلت مع نفسي انتي ممكن تعرفي ممكن عشان ظروفك حياتك بتشبه حياتي

بس معلش يا قمر اصبري معايا شويا و نتي تعرفي

بس بلاش تقطعي شعري

صبرا جميلا

هههههههههههه

سلام

الطالبة عفو الله يقول...

nour shahen

الحمد لله انك مسمعتيش انا برضو مكنتش حقلك خليها مفاجاة

ههههههههه

بتفكري في البلد و الاهل ازاي يعني

تعالي هنا قوليلي على فكرةايه

لالالالالا متسبيهاش بعدين

عاوزة اعرف دلوقتي حالا

عااااااااااا

الطالبة عفو الله يقول...

لؤلؤة الرحمن

و عليكم السلام و رحمة الله و بركاته

بداية فينك يا بنتي وحشاااني اوي مبقناش بنسوفك خالص مالص

طيب يا قلبي نتقابل بالليل

بس متحلميش اننا حقلك

بشوفك انتي و نور عمالين تتحايلو عليا
و اشوفك في الاميل
و اشوفك بالليل
يعني دة كله حب فيا

اه يانا منكم عاوزين تعرفي

تؤتؤتؤتؤ مش حقووول

الطالبة عفو الله يقول...

حبيبة الروح

حبيبة قلبي ربنا يخليكي يا جميل

و انتي طيبة و بصحة و سعادة

بجد مرسي ليكي

ربنا يبارك فيك يا قمر

موناليزا يقول...

زوزو ياجميلة كل سنة وانتى طيبة ياحبيبتى وعقبال 110 سنة
ربنا يحقق لك السنة دى كل اللى نفسك فيه وبتتمنيه

موناليزا يقول...

كده كنت هنسى اديكى هديتك
بصى ياستى يلا قولى"سبحان الله وبحمده سبحان الله العظيم"
دى هتلاقيها نخلة فى الجنة ان شاء الله

الطالبة عفو الله يقول...

موناليزا

و انتي طيبة يا قمر و بصحة و سعادة و هناء

و ربنا يخليكي يا قمر و يبارك فيك

سبحان الله وبحمده سبحان الله العظيم
سبحان الله وبحمده سبحان الله العظيم
سبحان الله وبحمده سبحان الله العظيم

و دي اجمل هدية يا قمرتي

ربنا ما يحرمني و اياك من الجنة

بارك الله فيك غاليتي

mahasen saber يقول...

طب انا مش متاكده هيا بتكلم مين لبرهه اعتقدت انها بتكلم نفسها وبتطيب خاطرها والكلام ده معاها
وشويه تانيه اعتقدت حد عزيزعليها
او ظروف بتواجهها
فمش قادره استدل علىاليى بتكلمها او اليى دار بينهم الحديث ده

الطالبة عفو الله يقول...

mahasen saber

محدش سال هي بتكلم مين اصلا غير انت و حد تاني

المهم مش عارفة اقلك ايه

بس استني معانا و انتي تعرفي بقية القصة

نورتي بطلتك الجميلة

رابطة هويتي اسلامية يقول...

قدمنا لكي دعوتنا وهي التالية ولم تردي علينا حتي الان بالقبول او الرفض هذه الدعوة لا تعطي للجميع فلا تعتقدي اننا تركناها قدرا هنا دون ان نعلم انها مدونة الطالبة لعفو الله

نتمني منك الرد



ندعوكم للمشاركة معنا في رابطة " هويتي إسلامية "

شارك معنا لنهضة التدوين

كون معنا أول شبكة تواصل في عالم التدوين

كلنا نتفق في الغاية نختلف في الأسلوب

هيا.................. كن أول المشاركين

شمس النهار يقول...

كل سنه وانت طيبه
وعقبال 100 سنه
اوعي ماتجيش المطبخ عندي
مطبخ شموسه

الطالبة عفو الله يقول...

رابطة هويتي اسلامية

أشكركم على الدعوة و اعتذر أشد الاعتذار على التأخير

و لقد تم الرد

و ان شاء الله سنقدم كل ما في وسعنا لرقي لهويتنا الهوية الاسلامية

جزاكم الله خيرا و نفع بكم

الطالبة عفو الله يقول...

شمس النهار

و انتي طيبة يا قمر و بصحة و سعادة و هناء

ربنا يسعدك ديما

اجي عندك المطبخ اه ماشي و ليه لا

بس مش قبل ما اعرف انا الي حطبخ و لا انتي؟؟؟

رابطة هويتي اسلامية يقول...

السلام عليكم ورحمة الله وبركاته


نسأل الله لك العفو و التوفيق في كل امورك

تم قيدك بالفعل في الاعضاء المشاركين ولكن نرجو منك ان تراجعي نفسك لأننا نري اننا سنستفيد منك اكثر في مكان المسؤلية وانك ستعطين الكثير في المجلس المؤسس وهو عضو مجلس استشاري

فكري في الامر قبل موعد الانتخاب


هويتي

قلب شاعره يقول...

طيب ازرفت دمع من عينها مقولناش حاجه ...
لكن ومعها نزف من قلبها ؟؟
ازاى شوفتى ا لنزف ده ؟؟