CLICK HERE FOR BLOGGER TEMPLATES AND MYSPACE LAYOUTS »

الجمعة، 14 نوفمبر 2008

نهاية حواري معها


و محاولة مني كي أعرف سألتها :


و ماذا حدث ؟؟


سكتت برهة ثم قالت و قد اغرورقت عيناها بالدموع


إلى ...إلى أن هدم اختياري سعادتي ، لقد اخترت غيرها ربما كانت الظروف أكبر مني و لكنها لم تكن أكبر من سعادتي


جاءت الأقدار أم نسميها الظروف اختلفت المفردات لكن المعنى واحد ...


جاءت بما لا تشتهي نفسي ووضعتني بين اختيارين ..بين كفتين .. سعادتي في كفة و في الكفة الأخرة أسرتي ...إقامتي ..و قد رايت بينهم سعادة وهمية حين ذاك حجبت بصري عن حقيقة الغربة .


آآآآآآآآآآآآآآآآآآآآآآآآآآآآآآآآآآآآآآآآه


تنهدت تنهيدة كادت تخرج روحها فيها ، تحمل فيها كل معاني الحسرة و الندم و التوبيخ ...


عجز لساني عن التعبير فقلد فهمت الآن إنها ضحيت اغتراب


لم اشعر بنفسي إلا و أنا أقترب منها و أحضنها و أمسح دموعها التي اختلطت بدموعي .


انتهى الحوار لكن كلامي لم ينتهي و سأدع صمتي يتمم كلامي و إنه لصمت قاتم الاعماق أسود اللون شديد الظلمة ..


......................


ملحوظة :ممكن تكون النهاية مش بالروعة الي كنتم متوقعينها بس الله المستعان اصل الحوار من خيالي و مكنتش محددة ليه نهاية فلما اضطريت تلبية لرغبتكم معرفتش

فاالله المستعان

المرجوا انكم تقدروا


ملحوظة ثانية : ممكن ناس كثيرة متفهمش و يفضل عندها غموض فاسفة لو كنت معرفتش اوصل المعنى


اعذروني


لم تكن الا خربشات من واقعي المرير

33 التعليقات:

"أم أدهم المصرية" يقول...

السلام عليكم ورحمه الله وبركاته
-----------------------------
نهايه جميله حبيبتى عجبتنى اوى واللى عجبنى اكتر انى واخيرا فهمت لانى من الناس اللى كانت مش مستوعبه فى ايه

كلامك شدنى واسلوبك فى السرد كان اكتر من رائع لدرجه انى

مفهمتش "ههههههههههههه"

اى حجه بئه عشان ميبقاش شكلى وحش ويتقال عنى غبيه

الغربه صعبه وموحشه اكيد انا مش حاسه الاحساس ده لانى فى بلدى ويمكن مفهمتش كلامك لانى محستش بالغربه
بس يكفيكى نظره فى عيون اسرتك
والدتك والدك اخوتك هتحسى بالدفئ والسكينه وعيشى على امل العوده من غربتك الامل هيهون احساسك بالوحشه كتير لانه هيفتح باب قدامك للوطن يمكن يكون الطريق طويل للوصول لنهايه الباب لكن الامل هيساعدك على الاحتمال
-----------------------------------

*الطالبة عفو الله *زوزو يقول...

لؤلؤة الرحمن

و عليكم السلام و رحمة الله و بركاته

الحمد لله انك فهمت يا شطوووورة

هو فعلا الغربة صعبة اوي و فعلا معك حق لولا الامل الله اعلم كان حصلنا ايه

انا فعلا عايشة على امل العودة و على الزيارات المتتالية الي بستمد منها القدرة على الاستمرار

بجد اسعدني ردك و تعليقك و الاكثر نصيحتك

ربنا يبارك فيكي يا قلبي

موناليزا يقول...

هى فعلا خارج التوقعات بس ده مايمنعش انها بجد جميلة
فالغربة شئ صعب الاحتمال ولكن هنا اعتقد انها مع اهلها يبقى اكيد الغربة شدتها اخف وطأة من لو كانت لوحدها
فكرتينى بوقت اتغربت فيه وكنت فعلا حاسة بغربة غير عادية يمكن لانى كمان كنت لوحدى وكنت بشتاق حتى انى اشرب مياة بلدى واشم هوائها واى حاجة اشوفها فى التليفزيون تفكرنى باهلى وببلدى الاقى دموعى بتتفرج معايا
يااه الحمدلله بجد ان ايام غربتى انتهت

mahasen saber يقول...

طبيا طالبه ساعات الغربه بتبقى للانسان فى وطنه ووسط اهله وعشيرتهوالاحساس بالنوع ده من الغربه ابشع واكثر ايلاما من الاحساس بالغربه الخارجيه عن ارض الوطن

بس حسيت بيها وهيا بتعيط
وحسيت بايدك وهيا بتمسح دموعها

Sweet Violet يقول...

نهايه غير متوقعه رغم واقعيتها

ربنا يلهمك الصبر فى غربتك وتعودى من جديد لحضن الوطن

*الطالبة عفو الله *زوزو يقول...

موناليزا

اه هي فعلا الغربة صعبة اوي اكيد ادركتي مدى قسوتها لانك عشتيها في يوم من الايام
و يا بختك خلاص ودعتيها
مش ديما الاهل بتكون منبع دفئ و حنان
في ناس بين اهلها و بتحس بالغربة

الله المستعان

اسعدني ردك حبيبتي

*الطالبة عفو الله *زوزو يقول...

mahasen saber

اه فعلا معك حق حبيبتي زي ماكنت بقول لموناليزا احيانا كثيرة الانسان وسط اهله و في بلده و بيحس بالاحساس دة

فمبالك بقى و هو بعيد عن وطنه و ممكن يكون بعيد عن اهله معنويا و ان كان قريب منهم جسديا

جميل ان الصورة وصلتك و خليتك تحس بيها

بارك الله فيك

*الطالبة عفو الله *زوزو يقول...

ضد التيار

الله المستعان انا كنت عارفة ان النهاية بعيدة عن توقعاتكم

الله المستعان

امين يا رب

بارك الله فيك حبيبتي

ghorBty يقول...

السلام عليكم ورحمة الله وبركاته

اختي الغاليه الطالبه عفو الله

سلمت يمناك فكل ما يخرج من القلب يدخل الي القلب مباشرة

ابدعتي وما ابدعتي فيه هو احساس كل حرف من حروفك

نعم شعرت بك من اول حوارك معها احسست انها الغربه انها لها طعم مرير والغربه احسن بها كثيرا واشعر بمرارتها تكررا ولكني هنا في بلدي ووسط اهلي فكما قلت الغربه لا تعني فقط فراق الديار والاهل فالغربه ايضا هي غربه في الفكر وغربه في المنهج لذلك كانت غربتي

اختي الغاليه لا نعلم اين يقدر الله الخير لنا فكل شئ خلقه الله وقدره بقدر واختياره سبحانه احكم واعدل من اختيارنا لانفسنا فعسي ان تكرهوا شئ وهو خير لكم فالحمد لله علي كل حال وكلها ارض الله وتحت سماءه فكل شئ هالك وكل شئ مفارق الا الله عز وجل باقي ويده مبسوطه لنا ليل نهار فلو استشعرنا لذة الانس والشوق اليه ما احسسنا بأي غربه

علي فكرة انا عايزه جايزه كبيره مش قلت لك من اول بوست انها الغربه

دعواتك الطيبه

دمت بكل خير وسعاده وجمعك الله ومن تحبين في جنات ونهر في مقعدج صدق عند مليك مقتدر

اختك : أميره

La RoSe يقول...

السلام عليكم

هي فعلاً النهاية غير متوقعة، لكن الحوار في مجملة جميل ..

تحياتي:)

حـــــ الــجــنــة ـــــور يقول...

السلام عليكم
أنا شكيت في الغربة يالله الله المستعان أسلوب هايل وكلمات صداها قدوي سلمت يمناك حبيبتي مع إن النهاية غير متوقعه بس عادي ياقلبي عارفة إنتي إزاي حاسة بالحكاية دي بس ياريت لما تشوفي البنت دي تاني قلها حور وكل الأصدقاء معاك يعني مفيش غربة تقبلي مروري وخالص حبي
سلاااااااام

مـجـنـووون يقول...

تعرفي انا بخاف من الغربه قوي

والله يكون في عون كل الناس الي متغربه ، ويرجعهم لأهلهم سالمين

في غنوة لوردة الجزائرية اسمها مليت من الغربه . اسمعيها وانتي تعرفي معني الغربه في كلمات الغنيه

وبعدين حرام عليكي حيرتي الناس ودوختيهم انتي شريرة هههههههههه

المهم يا ستي الي يعدي البحر وميتبلش === العجل في بطن أمه هههههههههههه

تقبلي مروري سيدتي الجميلة
مجنووون

الرومـيصاء يقول...

جميله نهايه خربشاتك
وطبعا فهمت قصدك
بس استعينى بالله
والدنيا ليست وطن لاحد
وليس فيها راحه
هى خلقت على كدراا
وانت تريدهصفوا من الاكدار
وحين سأل اح الائمه
متى الراحه
قال
عند اول قدم نضعها فى الجنه

اللهم ارزقنا الجنه
امين
دمتى بحفظ الله

Kiara يقول...

ممممممممممممممم


بصي هو انتي نهتيها مش النهايه اللي كنت متوقعاها بس هو واضح ان الجزئين اللي فاتو كان جواكي شي وبتطلعيه

زوزو حبيبتي احسنتي واتمني تقدمك في المره القادمه

قوت القلوب يقول...

ممكن تقبليني أخت ليكي في الله ؟

*الطالبة عفو الله *زوزو يقول...

ghorBty

و عليكم السلام و رحمة الله و بركاته

بارك الله فيك حبيبتي على ردك الجميل

و فعلا تستحقي جائزة كبيرة

فعلا احسستي بي و وصلتي للمعنى متذ البداية

اكيد لانك حاسة و مستشرة الغربة

الله المستعان

فعلا كما قلتي حبيبتي ليست دائما الغربة تكون في الاغتراب عن الوطن او الاهل

ربنا ييسر امورك و يسعدك يا جميل

و صدقتي فيما قلتي ان الانسان اني استسعر حقيقة الايمان و حلاوة الاقتراب من الله لن يحس ابدا بالغربة مهما كانت ظروفك لكن ضعف الايمان الله المستعان

نسال الله قوة الايمان و القرب و الانس به

بارك الله فيك حبيبتي

و على فكرة اتشرفت بمعرفت اسمك

اميرة اسم جميل فعلا

*الطالبة عفو الله *زوزو يقول...

La RoSe

و عليكم السلام و رحمة الله و بركاته

نورتي اختي الكريمة

و يا رب يكون فعلا عجبك الحوار

بارك الله فيك

في امان الله

حبيبة الروح يقول...

انا فهمت الغربه صح
فعلا البعد عن وطن الانسان بيكون صعب يمكن انا مش جربت البعد عن الوطن بس تعرفي ساعات بحس الاحساس ده او قريب منه لو بعدت عن البيت اه البيت البيت بالنسبالي الامان ماما واخواتي وبابا اغلي ناس لقلبي
ومن غيرهم مش بكون عايشه
ربنا يرد كل متغرب لوطنه يا رب
ومحدش يحس بي اي غربه واصعب غربه الغربه جوا الانسان غربته جوة نفسه
غربته جوة بيته
ربنا يسعدك ويسعدها يا زوزو
بجد قصه جميله
وحشتيني بجد

*الطالبة عفو الله *زوزو يقول...

حـــــ الــجــنــة ـــــور

و عليكم السلام و رحمة الله و بركاته

شكرا لك حبيبتي على كلامك الجميل

و يا رب يكون الحوار نال اعجابك فعلا

نورتي بمروروك يا قمر

*الطالبة عفو الله *زوزو يقول...

مـجـنـووون

لك حق فهلا انك تخاف يا مجنون من الغربة

الله يكون في عون المغتربين فعلا الله الي يعلمك بقدر معاناتهم

مش عارفة الاغنية الي بتتكلم عنها بس

المهم يا ستي الي يعدي البحر وميتبلش === العجل في بطن أمه

انا برضو قلت كدة ههههههههه

ghorBty يقول...

السلام عليكم ورحمة الله وبركاته

ربنا يكرمك ويعزك

واعانك الله علي الغربه ورزقك كل خير

دمت بكل خير

رابطة هويتي اسلامية يقول...

السلام عليكم ورحمة الله وبركاته

لقد تم نشر توصيات الجلسة الاولى

نرجو زيارة الرابطة للإطلاع عليها

DR.HAMAS يقول...

احيانا تكون الغربة مسيطرة

رغم كون الانسان فى بيته

و بين أهله

شعور مؤلم أشعر به كثيرا

بل أحس بالغربة فى هذه الدنيا

أمر متعب

لا أدرى ان كان عندى حق فى هذا الشعور ام لا

لكنه ........

يسيطر على كثيرا

فأسأل الله ان يلم شعث قلوبنا

و يربط عليها

و يجبر كسرها





د.حماس

mohamed ibrahim يقول...

ربنا معاكي في الغربة بجد
بس علي الاقل
الغربة احسن
من وطن بلا قلب

تحياتي
محمد

rovy يقول...

السلام عليكم

اولا اريد ان اعتذر عن تأخرى عنك وان كان السبب غصب عنى و ده لأن مريم كانت تعبانه و ما كنت ادخل على النت لمده اسبوعين تقريبا فارجوا المعذره
اما عن البوست فيجب ان اقرأه من اول قصه حتى استطيع ان اعلق .. لذا فمرورى الان للسلام و لى عوده قريبا ان شاء الله ..

دمتى بخير

تحياتى

Maha Shahen يقول...

اولا وحشتينى يا زوزو جدا جدا
ثانيا انا عارفه انى اتاخرت علي التعليق جدا برضوا
بس انا قولتلك رأى لايف اصلا فالتعليق ما هو الا تحصيل حاصل منغير زعل وضرب انا بقولك اهو هههههههههههه
كنت ناويه اكتب تعليق طويل عريض بس شكل الكلام تاه منى بس تعرفى انا افتكرت دلوقتى قصه كنا بنتكلم عنها
ان حد يفضل فى بلد وملهوش اقامه فبيهرب من السلطان وبيستخبى
اهو الناس دي غربتها افظع لأنها بتحمل غربه وخوف وبتنتظر التغيير في المستقبل
وبتحكم على نفسها بالسجن بأيديها
برغم ان كل شيء قدر الا اننا ساعات كتير بناخد الطريق الغلط
مهو فى بادىء الامر بنكون مخيرين بين طريقين وبنختار احنا فلما نندم منقولش قدر لا نقول اختيارنا ودا نتيجته
طبعا انا مبتكلمش عن القصه اللي نشرتيها انا بتكلم عن الناس اللي قاعده في البلد بدون اقامه اصلا
الغربه عامة برغم اختلاف انواعها الا انها شيء قاسى مرير
بس الامر منها غربة الروح فى الجسد
هبطل فلسفه بقى ونرجع مرجوعنا
حلوه قوى منى نرجع مرجوعنا دي بتاعت اهل اسكندريه علي فكره
المهم كتبتى بطريقة هايله ما شاء الله عليكى ولا احسن اديبه يا قلبي
احداث وتشويق ووقفات وسرد للقصه بسلاسه هايله بجد
عجبتنى جدا بالذات الوقفات اللي النفس بتفكر فيها والانسان بيخاطب نفسه وعلي اساس الحوار الداير في النفس بيتصرف
ربنا يوفقك ونشوف الاجدد ليكى دايما ولازم تحطى موضوع كبير قبل ما تسافرى بس ميكونش مشوق ولا محير مش هنستنى لما ترجعى اقتلك فيها دي ههههههههههه
بحبك جدا جدا وخدى بالك من نفسك
واسفه علي المعاد اللي قولت عليه ومجتش
وانتى عارفه موبايلى سيلنت علي طول
فهمانى صح فمعلش معلش

الرومـيصاء يقول...

فينك يازينب
طولتى الغيبه
وحشتينى خالص يارب تكونى بخير
طمنينى على اخبارك

ghorBty يقول...

السلام عليكم ورحمة الله وبركاته


يا رب يكون المانع خير

والله انا مش عارفه الايام ديه احنا مالنا

ربنا ييسر لنا الاحوال والامور

يا رب تكوني بخير

لو بتدخلي طمنينا

دمت بخير

محمد شوقي يقول...

السلام عليكم ورحمة الله وبركاته
لدي مشكلة عرضتها في مدونتي
http://la7zat200.blogspot.com/
ارجو اعاطئ رأيك

شكرا

amato allah" هويتى إسلاميه " يقول...

بجد الكلام مؤثر جداً

بس فعلا انا بقول ممكن الواحد يكون بين اهله وحاسس بالغربه

انا جربت فعلا الغربه لما بعدت عن اهلى لكن ما كنتش حاسه بيها اوى ,,

لكن سبحان الله وانا وسط اهلى دلوقتى اقدر اقولك انى حسيت اكتر بالغربه دلوقتى


الله المستعان

المهم ان كلامك جميل ومؤثر جدا واسلوبك فى السرد رائع

ويا ريت تبقى تنورينى فى مدونتى الجديده

منى يقول...

ربنا يهون عليكى وعلى كل غريب غربته
كل سنه وانتى طيبه وبالف خير
تحياتى

Unknown يقول...

السلام عليكم ورحمة الله وبركاته
انصح اختي الغالية انها تحذر من الغربة
فعزلة الانسان عن الناس والاحباب
تزيد من الامه وحزنه فانصحكي بالتواصل مع جميع احبابك ومعارفك
فبهم تنسى جميع الاحزان

Unknown يقول...

السلام عليكم
كيق الحال المدونة جد رائعة
واتمنى منكي المزيد
ربي يوفق