من فترة طويلة اوي اوي من ايام الطفولة و انا بتمنى بتمنى اوي تكون ليا اخت من امي و ابويا تشاركني افراحي و همومي تحس بيا و احس بيها و تكون جمبي و معي في كل حاجة و كانت الناس كلها بتسالني و تقولي عايزة تكون ليكي اخت
و مش عارفة ليه كنت بكره السؤال دة كره غريب و كنت برفض اوي و بروح استخب بعيد و لا افتكر يوم اني عبرت عن رغبتي اننا عايزة تبقالي اخت رغم ان الرغبة دي كانت مسيطرة عليا وقتها و مع مرور الايام و السنين بدا الاحلم يتلاشى و الامل يختفي و لي خفف عني دة اننا ليا صديقات اخوات كتير عوضوني الحمد لله
المهم و مع المدة و مع تلاشي الحلم تحول حلمي من اخت لابنة و معها بدا الحلم يكبر و الامل يظهر و بديت احلم حتعامل معاها و ربيها زاي و كل تفكيري فيها و هي لسة مجتش اصلا كل حلمي دلوقتي في اني ارزق بابنة صالحة و ربيها و مخليهاش تفقد لنا فقدت
13 التعليقات:
اكيد ربنا حايعوضك باخوات
تعرفى انا ليه اخ واخت عمرى ماحسيت انهم اخوتى لكن ربنا عوضنى باخوات فعلا حسيت معهم بمعنى الاخوه الاخوه التى بدون منفعه اخوه بدون مقابل وهى الاخوه فى الله
بارك الله فيكى مدونه رائعه
منورة المدونة فعلا حبيبتي امل الامة سبحان الله فعلا احيانا بيكون الي مش من ابوكي و امك يخاف عليكي اكثر عشان بتكون لي جمعة بينكم اواصر العقيدة المحبة في الله مش اواصر القرابة
الحمد لله الصحبة الصالحة دي نعمة من ربنا بجد و الحمد لله فعلا معوضاني
شكرا اوي على مرورك العطر اختي
حبيبتى زوزو كلنا اخواتك و اصدقائك
اتمنى ان يرزقكى الرحمن دائما باصدقاء اوفياء يعوضوكى الاخوه و اتمنى ايضا ان يرزقكى بابنه جميله بعد ان يتم نعمته عليكى بزوج صالح تسعدى معه
دمتى بخير و حب و سعاده
تحياتى و ودى
اشعر بكى تماما فقد عانيت ماعانتيه
ربنا يرزقنا الذرية الطيبة
شكرا كثير والله على ردودكم التي اثلجت صدري و الله يا rovy لولا اصدقائي الاوفياء لكنت مت من الوحدة امين يا موناليزا ربنا يرزقنا الذرية الصالحة
وانا روحت فين بقي
طب دا اسمنا واحد حتي
لا انا زحلانه منك
هتصالحيني بكام بقي
هههههههههههههههههه
ربنا يوفقك ويرزقك بالذريه الصالحه يااااااااااارب
ربنا يزقك يا حياتى بزوج صالح وطفله جميله وتسميها نور غلاثه بقى بقى هههههههه
وحشانى يا زوزو والله فعلا ومن ساعة ما سافرتى وانا مش لقياكى يا رب ترجعى بسرعه بقى
وجوتااااااموووو بقى اهى
ربنا يرزقك يا زوزو يا رب ببنوته عسل كده زيك
ومتقلقيش احنا كلنا اخواتك
ومدام اتعرفتى عليا اضمنى انك اتعرفتى على مصر كلها
اصل انا اعرف ناس كتير قوى ههههههههههههه
انا اسمى انجى البوهى اتمنى نبقى اصحاب
زوزو يا حياتى انا سيبالك واجب فى المدونه عندى يا ريت اول اما ترجعى تاخديه وتعرفى للمدونين اجمل 16 صفه فيكى
وبرغم انى معتقدش ان 16 يكفى بس يلا خليها علينا المره دى
ترجعى بالسلامه يا رب يا قلبي
هو هنا بنات بس ؟
عموما ربنا يرزقك ببنت وبولد - يمكن جوزك يبقى نفسه فى ولد - امين
انا جيييييييييييت انا اسفة يا حبايبي اتاخرت عليكم معلش كنت مسافرة
نور حبيبتي يااااااااااااه وحشاني اوي اوي اوي
و بعدين ايه الاستقبال الي عملهلي دة
16 كلها مترحميني شويا اجيبلك منين 16 دي الله المستعان
امين يا حبيبتي انجي و اياكم جميعا
اهلا بيكي يا بجد نورتي المدونة و ليا الشرف انك تبقي صحبيتي و انا لما قريت مدوناك حبيتك من المدونة اصلك عسولة اوي ربنا يحفظك و يبارك فيكي
اهلا بيك يا انسان بلا عنوان منور
إرسال تعليق